ଆଶ୍ଚର୍ଯ୍ୟ କଲା ଧୋନିଙ୍କ ଷ୍ଟମ୍ପିଂ
Rasmita Behera
ନୂଆଦିଲ୍ଲୀ : ଆଜିବି ଧୋନିଙ୍କ ଷ୍ଟୋମ୍ପ ଆଉଟ କରିବା ଦର୍ଶକଙ୍କୁ ଚକିତ କରିଛି । ୪୩ ବର୍ଷ ବୟସରେ ମହେନ୍ଦ୍ର ସିଂହ ଧୋନି କ୍ରିକେଟ ଇତିହାସର ସର୍ବଶ୍ରେଷ୍ଠ ୱିକେଟ କିପରମାନଙ୍କ ମଧ୍ୟରୁ ଜଣେ । ଯାହା ଆଜି ପୁଣି ଥରେ ସେ ପ୍ରମାଣିତ କରିଛନ୍ତି । ଶୁକ୍ରବାର ଚେନ୍ନାଇ ସୁପର କିଙ୍ଗ୍ସ ଓ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ହାଇ-ଭୋଲଟେଜ୍ ଆଇପିଏଲ ମୁକାବିଲାରେ ଦେଖିବାକୁ ମିଳିଥିଲା ଧୋନିଙ୍କ ଜଲୱା । ଷ୍ଟମ୍ପ ପଛରେ ଛିଡ଼ା ହୋଇ ଫିଲ୍ ସଲ୍ଟଙ୍କୁ ଆଖି ପିଛୁଲାକେ ଷ୍ଟମ୍ପ ଆଉଟ୍ କରିଥିବା ପ୍ରଶଂସକମାନଙ୍କୁ ଆଶ୍ଚର୍ଯ୍ୟ କରିଦେଇଛି । ଭଲ ଫର୍ମରେ ଥିବା ସଲ୍ଟ ମାତ୍ର ୧୬ ବଲ୍ରେ ପାଞ୍ଚ ଚୌକା ଏବଂ ଗୋଟିଏ ଛକା ମାରି ୩୨ ରନ୍ କରିଥିଲେ । ନୂର ଅହମ୍ମଦଙ୍କ ଗୁଗଲିର ସମ୍ମୁଖୀନ ହୋଇ ଏକ ଭଲ ସର୍ଟ ମାରିବାକୁ ସେ ଚେଷ୍ଟା କରିଥିଲେ, ହେଲେ ବିଫଳ ହେବାରୁ ଧୋନି ତାଙ୍କୁ ଷ୍ଟମ୍ପ ଆଉଟ୍ କରିଥିଲେ । ଏହି ଷ୍ଟମ୍ପ ଆଉଟ କି ନଟ୍ ଆଉଟ୍ ତାହା ଥାର୍ଡ ଆମ୍ପାୟାରଙ୍କ ନିକଟକୁ ପଠାଯାଇଥିଲା । ରିପ୍ଲେ ନିଶ୍ଚିତ କଲା ଯେ ଧୋନି ତାଙ୍କୁ ଆଉଟ କରିବା ସମୟରେ ସଲ୍ଟଙ୍କ ପାଦ ହାୱାରେ ଥିଲା ।
