ବରିଷ୍ଠ ସାମ୍ବାଦିକ ହରିଶ୍ଚନ୍ଦ୍ର ଗୋସ୍ୱାମୀ ସମ୍ବର୍ଦ୍ଧିତ
Rasmita Behera
ାା ପ୍ରଭାନୁ୍ୟଜ ।ା ବେତନଟୀ, : ପ୍ରଦୁ୍ୟମ୍ନ ବଳଙ୍କ ୯୨ ତମ ଜୟନ୍ତୀ ସମାରୋହରେ ମୟୂରଭଞ୍ଜ ଜିଲ୍ଲାର ବରିଷ୍ଠ ସାମ୍ବାଦିକ ହରିଶ୍ଚନ୍ଦ୍ର ନନ୍ଦ ଗୋସ୍ୱାମୀଙ୍କୁ ସମ୍ବର୍ଦ୍ଧିତ କରାଯାଇଛି । ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳର ନେତା ନବୀନ ପଟ୍ଟନାୟକ ଅଧିବେଶନରେ ମୁଖ୍ୟଅତିଥି ଭାବେ ଯୋଗ ଦେଇ ମାନପତ୍ର ସହିତ ଉତ୍ତରୀୟ ଓ ପୁଷ୍ପଗୁଚ୍ଛ ଏବଂ ପଚିଶ ହଜାର ଟଙ୍କାର ଅର୍ଥରାଶି ଦେଇ ଶ୍ରୀ ନନ୍ଦ ଗୋସ୍ୱାମୀଙ୍କୁ ସମ୍ବର୍ଦ୍ଧିତ କରିଥିଲେ । ଏହି ଉତ୍ସବରେ ଅଭ୍ୟର୍ଥନା କମିଟିର ସଭାପତି ତଥା ପୂର୍ବତନ କେନ୍ଦ୍ରମନ୍ତ୍ରୀ ଓ ଓଡିଶାର ପୂର୍ବତନ ମୁଖ୍ୟମନ୍ତ୍ରୀ ଗିରିଧର ଗମାଙ୍ଗ, ପ୍ରଗତିବାଦୀର ପ୍ରତିଷ୍ଠାତା ଅଧ୍ୟକ୍ଷା ଶାଶ୍ୱତୀ ବ. ପ୍ରଗତିବାଦୀ ପରିଚାଳନା ପକ୍ଷରୁ କିଟ୍ର ଅଧ୍ୟକ୍ଷ ଅଚୁ୍ୟତ ସାମନ୍ତ ପ୍ରମୁଖ ମଞ୍ଚାସୀନ ଥିଲେ । ସମ୍ବର୍ଦ୍ଧିତ ବ୍ୟକ୍ତିତ୍ୱ ହରିଶ୍ଚନ୍ଦ୍ର ନନ୍ଦ ଗୋସ୍ୱାମୀ ବେସାଲିସ ରାଜନେତା ପ୍ରଦୁ୍ୟମ୍ନ ବଳଙ୍କ ଆଦର୍ଶରେ ଅନୁପ୍ରାଣିତ ହୋଇ ୧୯୮୦ମସିହା ଠାରୁ ଏଯାବତ୍ ଜନସ୍ୱାର୍ଥ ସମ୍ବଳିତ ସମସ୍ୟା ଓ ଅବହେଳା ଅସହାୟ ଲୋକର ସ୍ୱର ଭାବେ ସମଗ୍ର ମୟୂରଭଞ୍ଜ ଜିଲ୍ଲାର ବିକାଶ ପାଇଁ ଉତ୍ସର୍ଗୀକୃତ ଭାବେ ସାମ୍ବାଦିକତା କରି ଆସି ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି । ତେବେ ତାଙ୍କର ଏହି ସମ୍ବର୍ଦ୍ଧନା ପାଇଁ ବେତନଟୀ ଅଞ୍ଚଳରୁ ଏବଂ ସମଗ୍ର ଜିଲ୍ଲାରୁ ବହୁ ବରିଷ୍ଠ ସାମ୍ବାଦିକମାନେ ତାଙ୍କୁ ସ୍ୱାଗତ କରିବା ସହିତ ପୂର୍ବତନ ମୟୂରଭଞ୍ଜ ଜିଲ୍ଲା ସାଧାରଣ ସଂପାଦକ ତଥା ବରିଷ୍ଠ ସାମ୍ବାଦିକ ବିଜୟ କୁମାର ଅଗ୍ରୱାଲ, ମୟୂରଭଞ୍ଜ ଜିଲ୍ଲା ସାମ୍ବାଦିକ ସଂଘର ସଭାପତି ଅରୁଣ କୁମାର ଓତା, ଜିଲ୍ଲା ସଂଘ ସାଧାରଣ ସମ୍ପାଦକ ସଞ୍ଜୟ କୁମାର ଅଗ୍ରୱାଲ, ସାମ୍ବାଦିକ ମନୋଜ କୁମାର ପଣ୍ଡା, ସାମ୍ବାଦିକ ନିଳାଦ୍ରୀ ବିହାରୀ, ଦଣ୍ଡପାଟ ବେତନଟୀ ସିଭିଲ ସୋସାଇଟିର ସଭାପତି ଚୂଡାମଣି ମହାପାତ୍ର, ସାଧାରଣ ସମ୍ପାଦକ ଆଡଭୋକେଟ ସଚ୍ଚିଦାନନ୍ଦ ମହାନ୍ତି ପ୍ରମୁଖ ସ୍ୱାଗତ ଜଣାଇଛନ୍ତି ।
