କିଷାନ କଂଗ୍ରେସର ନୂତନ ଅଧ୍ୟକ୍ଷ ନିଯୁକ୍ତ
Rasmita Behera
କେନ୍ଦ୍ରାପଡ଼ା : କେନ୍ଦ୍ରାପଡା ଜିଲ୍ଲା କଂଗ୍ରେସ କମିଟି ସଭାପତି ଲୋକନାଥ ମହାରଥୀଙ୍କ ସୁପାରିଶ କ୍ରମେ ଓଡିଶା ପ୍ରଦେଶ କଂଗ୍ରେସ କିଷାନ ସେଲ୍ର ଅଧ୍ୟକ୍ଷ ଅମୀୟ କୁମାର ପଟ୍ଟନାୟକ କେନ୍ଦ୍ରାପଡା ଜିଲ୍ଲା କିଷାନ କଂଗ୍ରେସର ଅଧ୍ୟକ୍ଷ ଭାବେ ଶିବ ରାଉତଙ୍କୁ ମନୋନୀତ କରିଛନ୍ତି । ଛାତ୍ର ରାଜନୀତିରୁ ଆରମ୍ଭ କରି ଏକାଧାରରେ ଜଣେ ସମାଜସେବୀ, ସମବାୟବିତ୍ ଓ ଶ୍ରମିକ ନେତା ଭାବେ ଜଣାଶୁଣା ଶିବ ମହାକାଳପଡା ବ୍ଲକର ବଡକୂଳ ଗ୍ରାମର ଏକ ପ୍ରତିଷ୍ଠିତ ରାଜନୈତିକ ପରିବାରରେ ଜନ୍ମିତ । ପିଲାଦିନୁ ବାପା ସ୍ୱର୍ଗତ ଶ୍ରୀନାଥ ରାଉତ ଓ ବଡବାପା ଅବିଭକ୍ତ ରାଜନଗର ତଥା ପାଟକୁରା ନିର୍ବାଚନ ମଣ୍ଡଳୀର ଜଣାଶୁଣା ରାଜନେତା ସ୍ୱର୍ଗତ ଧ୍ରୁବଚରଣ ରାଉତଙ୍କ ପ୍ରେରଣାରେ କଂଗ୍ରେସ ଦଳର ଆଦର୍ଶରେ ଅନୁପ୍ରାଣିତ ହୋଇ ୧୯୯୧ ମସିହାରେ ପ୍ରଥମେ ମହାକାଳପଡାସ୍ଥିତ ବାୟାବାବା ମହାବିଦ୍ୟାଳୟ ଛାତ୍ର ସଂସଦର ସଭାପତି ଓ ପରେ ବଡକୂଳ ସମବାୟ ସମିତିର ସଭାପତି ଏବଂ ବର୍ତ୍ତମାନ ଷ୍ଟାଟସ୍ ଇଣ୍ଡିଆ ଶ୍ରମିକ ସଂଗଠନର ସମ୍ପାଦକ ଭାବେ ଦାୟିତ୍ୱ ନିର୍ବାହ କରୁଛନ୍ତି । ତାଙ୍କର ଏହି ନୂତନ ନିଯୁକ୍ତିକୁ ନେଇ ବିଭିନ୍ନ ମହଲରୁ ତାଙ୍କୁ ଶୁଭେଚ୍ଛାର ସୁଅ ଛୁଟିଛି ।
