ସମ୍ବଲପୁରର ମଣପୁରମ୍ ସୁନା ଲୁଟ ଘଟଣା: ପୋଲିସ ଆଣିଲା ସମ୍ବଲପୁର
Rasmita Behera
ସମ୍ବଲପୁରର ମଣପୁରମ୍ ସୁନା ଲୁଟ ଘଟଣାରେ ସୁବୋଧ ସିଂହକୁ ସମ୍ବଲପୁର ଆଣିଲା ପୋଲିସ । ଏହି ଲୁଟ ର ମାଷ୍ଟରମାଇଣ୍ଡ ସୁବୋଧକୁ ସମ୍ବଲପୁର ଆଣିଛି ଅଇଁଠାପାଲି ପୋଲିସ । ପଶ୍ଚିମବଙ୍ଗ ପ୍ରେସିଡେନ୍ସି ଜେଲରେ ଥିବା ସୁବୋଧକୁ ସମ୍ବଲପୁର ଅଣାଯାଇଛି । ଆଜି ସମ୍ବଲପୁର ଏସ୍ଡିଜେଏମ୍ କୋର୍ଟରେ ହାଜର କରାଯିବ । ୧୫ ଦିନିଆ ରିମାଣ୍ଡରେ ଆଣିବାକୁ ପୋଲିସ ପକ୍ଷରୁ ଆବେଦନ ହେବ । ପ୍ରେସିଡେନ୍ସି ଜେଲରେ ଥିବା ସୁବୋଧକୁ ଆଉ ଏକ ମାମଲାରେ ପଶ୍ଚିମବଙ୍ଗର ଉତ୍ତର ଚବିଶପ୍ରଗଣା କୋର୍ଟରେ ବାରାକପୁର ରେ ହାଜର କରାଯାଇଥିଲା । ସେଠାରୁ କୋର୍ଟଙ୍କ ଅନୁମତି ନେଇ ସମ୍ବଲପୁର ଆଣିଛି ପୋଲିସ । ପୂର୍ବରୁ ଏହି ସୁନା ଲୁଟ ଘଟଣାରେ ୩ ଜଣଙ୍କୁ ଗିରଫ କରାଯାଇଛି । ଆସାମ ଗୌହାଟୀରୁ ଉତ୍ତମ ପାଶୱାନ, ବିହାର ହାଜିପୁରରୁ ଅଜୟ ପାଶଓ୍ବାନ ଓ ପଙ୍କଜ ପାଶୱାନକୁ ଗିରଫ କରାଯାଇଥିଲା । ଗତ ଜାନୁଆରି ୩ ତାରିଖରେ ସମ୍ବଲପୁର ବୁଢ଼ାରଜାରେ ଥିବା ମଣପୁରମ୍ ଗୋଲ୍ଡ ଲୋନ୍ ଫାଇନାନ୍ସରୁ ୨୮ କେଜି ସୁନା ଲୁଟ ହୋଇଥିଲା । ଏହି ଘଟଣାରେ ସୁବୋଧର ହାତ ଥିବା କୁହାଯାଉଛି । ଜେଲରେ ଥାଇ ସୁବୋଧ ସାରା ଭାରତରେ ହେଉଥିବା ବଡ ବଡ ଲୁଟକୁ ଅପରେଟ କରୁଥିବା ଅଭିଯୋଗ ହୋଇଆସୁଛି ।
