କଲେଜରୁ ନାବାଳିକାକୁ ନେଇ ଫେରାର ହେଲା ଅଭିଯୁକ୍ତ
Jitendra Sahu
ଭୁବନେଶ୍ୱର, ୧୧ା୪ : ନାବାଳିକାଙ୍କୁ ପ୍ରେମ ଜାଲରେ ଫସାଇ ବିବାହ କରିବାକୁ ପବାର୍ତ୍ତାଇ କଲେଜରୁ ନେଇ ଫେରାର ଅଭିଯୁକ୍ତ । ଏନେଇ ଖଣ୍ଡଗିରି ଥାନାରେ ନାବାଳିକାଙ୍କ ପରିବାର ଲୋକଙ୍କ ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ଆଜି ପୁରୀରୁ ନାବାଳିକାଙ୍କୁ ଉଦ୍ଧାର କରିବା ସହ ଅଭିଯୁକ୍ତକୁ ଗିରଫ କରିଛି । ପରେ ଦୁହିଙ୍କୁ ଭୁବନେଶ୍ୱର ଅଣାଯାଇ ନାବାଳିକାଙ୍କୁ ତାଙ୍କ ପରିବାରଙ୍କୁ ହସ୍ତାନ୍ତର କରାଯାଇଥିବା ବେଳେ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି । ଗିରଫ ଅଭିଯୁକ୍ତ ହେଲା, କଟକ ଜିଲ୍ଲା ବୌଦେଶ୍ୱରର ଗୋବିନ୍ଦ ବେହେରା ।
ସୂଚନାଯୋଗ୍ୟ ଯେ, ଅଭିଯୋଗକାରୀଙ୍କ ଝିଅ ଜଣେ ନାବାଳିକା ଓ ସେ ଯୁକ୍ତ ଦୁଇରେ ପଢ଼ନ୍ତି । ଏହି ପଢ଼ିବା ସମୟରେ ସେ ଅଭିଯୁକ୍ତର ସମ୍ପର୍କରେ ଆସିଥିଲେ । ଏନେଇ ପୀଡ଼ିତାଙ୍କ ପରିବାର ଜାଣିବା ପରେ ଝିଅକୁ ବାରଣ କରିବା ସହ ତାଙ୍କର ପଢ଼ାପଢ଼ି କରିବାକୁ କହିଥିଲେ । ଏହି ଘଟଣା ପରେ ଗତ ତା ୧୫.୨.୨୦୨୪ ରିଖରେ ଅଭିଯୁକ୍ତ ଜଣକ ନାବାଳିକାଙ୍କୁ ନୟାପଲ୍ଲୀକୁ ଡାକିଥିଲା । ନାବାଳିକା ସେଠାରେ ପହଞ୍ଚିବା ପରେ ଅଭିଯୁକ୍ତ ତାଙ୍କୁ ବିବାହ କରିବା ପାଇଁ ପବାର୍ତ୍ତାଇ ଥିଲେ । ପରେ ଅଭିଯୁକ୍ତ ଜଣକ ଝିଅଟି ନାବାଳିକା ଜାଣିବା ପରେ ମଧ୍ୟ ତାଙ୍କୁ ଅପହରଣ କରି ପୁରୀ ନେଇଯାଇଥିଲା । ଏନେଇ ନାବାଳିକାଙ୍କ ପରିବାର ଘଟଣା ବିଷୟରେ ଜାଣିବା ପରେ ଖଣ୍ଡଗିରି ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ମାମଲା ରୁଜୁକରି ଆଜି ନାବାଳିକାଙ୍କୁ ପୁରୀରୁ ଉଦ୍ଧାର କରିବା ସହ ଅଭିଯୁକ୍ତକୁ ଗିରଫ କରାଯାଇଛି ।
