ଗୃହରେ ଟ୍ୟାବ୍, ଛନ୍ଦି ହେଲେ ବିଧାୟକ

Feb 14, 2025 - 15:45

5697

ଭୁବନେଶ୍ୱର: ଡିଜିଟାଲ୍ ହୋଇଛି ବିଧାନସଭା । ବିଧାୟକଙ୍କ ଆସନରେ ଲାଗିଛି ଟ୍ୟାବ୍ । ଗୃହରେ ପ୍ରବେଶ କରିବା ପରେ କିଛି ବିଧାୟକ ଟ୍ୟାବ୍ ଅପରେଟ୍ କରିଥିଲେ । ଅନ୍ୟ କେତେକ ବିଧାୟକ ଟ୍ୟାବରେ ସୁଇଚ ଚିପାଚିପି କରିଥିଲେବି କିଛି ନହେବାରୁ ଚୁପ୍ ହୋଇ ବସିଯାଇଥିଲେ । ମୁଖ୍ୟମନ୍ତ୍ରୀ, ଉପମୁଖ୍ୟମନ୍ତ୍ରୀ ଓ ଅନେକ ମନ୍ତ୍ରୀ ଟ୍ୟାବ୍ରେ ରାଜ୍ୟପାଳଙ୍କ ଭାଷଣ ପଢ଼ିଥିଲେ । ବିରୋଧୀ ଦଳ ନେତା କିନ୍ତୁ ରାଜ୍ୟପାଳଙ୍କ ଅଭିଭାଷଣର ପୁସ୍ତିକାକୁ ଆଡ଼େଇ ଚାଲିଥିଲେ । ଟ୍ୟାବ୍ ଲାଗିଥିଲେବି ସମସ୍ତେ ବହି ପଢୁଥିବା ଦେଖିବାକୁ ମିଳିଥିଲା । ପ୍ରଥମ ଦିନ ହୋଇଥିବାରୁ ଅନେକ ବିଧାୟକ ଟ୍ୟାବକୁ ଠିକ୍ ଭାବେ ଚଳାଇପାରିନଥିଲେ । ଆଜି ବିଧାନସଭାରେ କେତେକ ବିଧାୟକ ଏନେଇ ପ୍ରଶିକ୍ଷଣ ମଧ୍ୟ ନେଇଛନ୍ତି । କିଛିଦିନ ପରେ ସମସ୍ତେ ଟ୍ୟାବରେ ହିଁ ତଥ୍ୟ ପାଇଯିବେ । ଧିରେଧିରେ ପେପରଲେସ୍ ହୋଇଯିବ ବିଧାନସଭା ।