ଇସ୍ତଫା ଦେଲେକି ମୁନା ଖାନ୍ ?
munna khan
Ramachandi Prasad
3639
ଭୁବନେଶ୍ୱର : ରାଜ୍ୟସଭା ସାଂସଦ ମୁନା ଖାନ୍ ପଦରୁ ଇସ୍ତଫା ଦେଇଥିବା ନେଇ ଚର୍ଚ୍ଚା ହେଉଛି । ନବୀନ ନିବାସରେ ସେ ପହଁଚିଥିବା ଜାଣିବାକୁ ମିଳିଛି । ୱାକଫ ବିଲକୁ ବିଜେଡ଼ିର ସମର୍ଥନକୁ ନେଇ ମୁନା ଅସନ୍ତୁଷ୍ଟ ଥିଲେ । ସେବେଠାରୁ ଦଳ ସହ ତାଙ୍କର ଭଲ ସମ୍ପର୍କ ବି ନାହିଁ । ନବୀନ ନିବାସରେ ତାଙ୍କର ସମର୍ଥକମାନେ ସିଧାସଳଖ ପାଣ୍ଡିଆନ୍ ମୁର୍ଦ୍ଦାବାଦ ନାରା ବି ଦେଇଥିଲେ । ହଠାତ୍ ନବୀନ ନିବାସରେ ପହଁଚିବାକୁ ନେଇ ରାଜନୀତିକ ଅଳିନ୍ଦ ଚଳଚଞ୍ଚଳ ହୋଇଯାଇଛି ।
ନିକଟରେ ମୁନା ଖାଁଙ୍କୁ ଦଳ ସଂଖ୍ୟାଲଘୁ କମିଟିର ଦାୟିତ୍ୱ ଦେଇଥିଲା । ବିଜେଡ଼ି ସଂଖ୍ୟାଲଘୁ ସେଲର ସାଉଥ ଜୋନ୍ ସଂଯୋଜକ ଦାୟିତ୍ୱ ଦିଆଯାଇଛି । ଦିଲ୍ଲୀପ ତିର୍କୀ ସଂଖ୍ୟାଲଘୁ ସେଲର ଆବାହକ ରହିଛନ୍ତି । ଏହାକୁ ନେଇ ମୁନା ଅରାଜି ଥିଲେ । ତେବେ ରାଜ୍ୟସଭା ସାଂସଦ ପଦ କିନ୍ତୁ ସେ ଛାଡ଼ିବେ ନାହିଁ ବୋଲି ଜାଣିବାକୁ ମିଳିଛି । ଆସନ୍ତା ବର୍ଷ ତାଙ୍କର କାର୍ଯ୍ୟକାଳ ଶେଷ ହେବ ।
