ପ୍ରାକୃତିକ ବିପର୍ଯ୍ୟୟର ମୁକାବିଲା

ପ୍ରାକୃତିକ ବିପର୍ଯ୍ୟୟ ହେଉଛି ଆମର ଚିର ସହଚର । ପ୍ରକୃତି ଉପରେ ବିପର୍ଯ୍ୟୟ କାଳକ୍ରମେ ଲାଗି ରହିଛି । ମାତ୍ର ପ୍ରକୃତି ଯେ ସର୍ବଦା ମନୁଷ୍ୟର ହିିତ କାର୍ଯ୍ୟରେ ଆସେ ତାହା ଏ ମନୁଷ୍ୟ ଭୁଲିବାକୁ ଲାଗିଛି । ତେଣୁ ସେ ବିଷୟରେ ଜନସଚେତନା ସୃଷ୍ଟି କରିବା ଏବଂ ପ୍ରାକୃତିକ ବିପର୍ଯ୍ୟୟକୁ ହ୍ରାସ କରିବା ପାଇଁ ଉଦ୍ୟମ କରିବା ନିତାନ୍ତ ଜରୁରି ।  ସମଗ୍ର ପୃଥିବୀ ଭାରତ ପରି ଏକ ପ୍ରାକୃତିକ ବିପର୍ଯ୍ୟୟକୁ ମୁକାବିଲା କରୁଥିବା ଗଣତାନ୍ତ୍ରିକ ରାଷ୍ଟ୍ର ହୁଏତ ଖୁବ୍ କମ୍ ଅଛନ୍ତି ଯେଉଁମାନେ ପ୍ରାକୃତିକ ବିପର୍ଯ୍ୟୟକୁ ସାମ୍ନା କଲାବେଳେ ନିଜର ଅଧିମ ତ୍ୟାଗ ଓ ନିଃସ୍ୱାର୍ଥପର ସେବାକୁ ପ୍ରାଥମିକତା ଦେଇଥାନ୍ତି । କେବଳ ପୃଥିବୀର ଭାରତ ନୁହେଁ ବିଶ୍ୱର ବିଭିନ୍ନ ରାଷ୍ଟ୍ରରେ ସୁନାମୀ ହେଉ ବା ବନ୍ୟା, ବାତ୍ୟା ହେଉ ବା ଲାର୍ଭା ଉଦ୍ଗୀରଣ ସମସ୍ତେ ସାମ୍ନା କରିଥାନ୍ତି ଏହି ଭୟାବୟ ପ୍ରାକୃତିକ ବିପର୍ଯ୍ୟୟକୁ । ତେବେ ଆଜି ସମଗ୍ର ପୃଥିବୀରେ ଯେତେବେଳେ ଆମେ ସମସ୍ତେ ଚନ୍ଦ୍ରପୃଷ୍ଠରେ ଖଣ୍ଡେ ଜାଗା କିଣିବାକୁ ସାମର୍ଥ୍ୟ ରଖୁଛେ ସେ ସମୟରେ ଏହି ଚିନ୍ତର ମହତ୍ତ୍ୱ କେଉଁ ମୂଲ୍ୟ ପାଇଁ? ଆଜିକା ସମୟରେ ଆମ ସମସ୍ତଙ୍କର ଜନଜୀବନର ଚିନ୍ତନ ଓ ଦାୟିତ୍ୱବୋଧତା ଯେଉଁପରି ପ୍ରତିଟି ମୁହୂର୍ତ୍ତରେ ପ୍ରାକୃତିକ ବିପର୍ଯ୍ୟୟ ହିଁ ଭରି ରହିଛି । ତେବେ ସବୁଠାରୁ ବଡ଼ କଥା ହେଉଛି ଆମ ମାନଙ୍କର ପ୍ରତିଟି କ୍ଷଣରେ ଘଟୁଥିବା ଜୀବନ ପାଇଁ ଯେଉଁ ପ୍ରାକୃତିକ ବିପର୍ଯ୍ୟୟର ପ୍ରତିକୂଳତା ରଖିଥାଏ ସେ ମୁହୂର୍ତ୍ତକୁ କିପରି ହ୍ରାସ କରିବା ପାଇଁ ନିଜର ସାମର୍ଥ୍ୟ ରଖିବା । ଆଜି କେବଳ ଭାରତ ନୁହେଁ ସମଗ୍ର ପୃଥିବୀର ବଡ଼ ଶକ୍ତିଶାଳୀ ସାମର୍ଥ୍ୟଭରା ରାଷ୍ଟ୍ର ରଖୁଥିବା ଆମେରିକା ହେଉ ବା ଚୀନ, ଋୁଷ, ଜର୍ମାନ, ଜାପାନ ପ୍ରଭୃତି ସମସ୍ତେ ଭୟାବହ ପ୍ରାକୃତିକ ବିପର୍ଯ୍ୟୟକୁ ସାମ୍ନା କରୁଛନ୍ତି । କିନ୍ତୁ ଏହି ଭୟାବହତାକୁ ସାମ୍ନା କରୁଥିବା ସମସ୍ତଙ୍କ ଭିତରେ ଏହି ପ୍ରାକୃତିକ ବିପର୍ଯ୍ୟୟକୁ ଲଢ଼ିବା ପାଇଁ କେତେ ମାନଙ୍କ ଭିତରେ ବା ସାମର୍ଥ୍ୟ ରହିଥାଏ? ପ୍ରାକୃତିକ ବିପର୍ଯ୍ୟୟକୁ ବିରୋଧ କରିବା ପାଇଁ ଆଜିକାଲି ସୂଚନା ପ୍ରଯୁକ୍ତିର କୌଶଳ ଆମ ସମସ୍ତଙ୍କ ପାଇଁ ଢ଼େର ଘଣ୍ଟା ପୂର୍ବରୁ ସୂଚନା ପ୍ରମୁଖ ତଥ୍ୟ ଦେଇଥାଏ । କିନ୍ତୁ ଏହାର ମୂଲ୍ୟ ଆମ ମାନଙ୍କ ଉପରେ ପଡ଼ିବାର ସେପରି ସାମର୍ଥ୍ୟ ରଖିନଥାଏ । ପ୍ରାକୃତିକ ବିପର୍ଯ୍ୟୟ କ୍ଷେତ୍ରକୁ ଦେଖିଲେ ସମଗ୍ର ପୃଥିବୀର ମରୁ ଉଦ୍ୟାନ ରାଷ୍ଟ୍ର ହେଉ ବା ସମୁଦ୍ରର ସମୀପ ନିକଟବର୍ତ୍ତୀ ରାଜ୍ୟ ସମସ୍ତେ ଏହି ଦୁଃଖକୁ ସାମ୍ନା କରୁଛନ୍ତି । ଭାରତ ବର୍ଷର ଓଡ଼ିଶା ପରି ଏକ କୃଷି ବହୁଳ ରାଷ୍ଟ୍ରରେ କିଛି ବର୍ଷ ତଳେ ୧୯୯୯ରେ ଭୟାବହ ଆତଙ୍କ ସୃଷ୍ଟିକାରୀ ମହାବାତ୍ୟାର ତାଣ୍ଡବ ରୂପ ଏହି ଛୋଟ ରାଜ୍ୟଟିକୁ ତାର ପ୍ରଗତିରେ ପ୍ରତିବନ୍ଧକ ସାଜିଥିଲା । ପରବର୍ତ୍ତୀ ସମୟରେ ଫାଇଲିନ୍ ହେଉ ବା ହୁଡ଼୍ହୁଡ଼ ଓଡ଼ିଶା ପରି ରାଜ୍ୟରେ ପ୍ରାକୃତିକ ବିପର୍ଯ୍ୟୟ ପାଇଁ ସମଗ୍ର ପୃଥିବୀରେ ସହାୟତାର ଦୃଷ୍ଟାନ୍ତ ରହିଥିବା ବିଭିନ୍ନ ବ୍ୟକ୍ତିବିଶେଷ ନିଜ ସୀମାସାଧ୍ୟ ମତେ ବା ସଂଗଠନର ମାଧ୍ୟମରେ ସାହାଯ୍ୟ ସହଯୋଗର ହାତ ବଢ଼ାଇଥିଲେ । ତେବେ ଏ କ୍ଷେତ୍ରରେ ଅନ୍ୟ ଏକ ଦୃଷ୍ଟିକୋଣ ବି ରହିଛି ପ୍ରାକୃତିକ ବିପର୍ଯ୍ୟୟକୁ ସାମ୍ନା କରିବାର ଯଥେଷ୍ଟ ପୂର୍ବରୁ ଆମ ମାନଙ୍କ ଭିତରେ ଏହି ଦୁଃଖଦ ମୁହୂର୍ତ୍ତକୁ ଲଢ଼ିବା ପାଇଁ ନିଜ ସଂକଳ୍ପ ଭିତରେ ସାମର୍ଥ୍ୟ ରଖିବା ।  ଆମ ସମସ୍ତଙ୍କ ଭିତରେ ନିଜ ଜୀବନ କାଳ ଭିତରେ ପ୍ରକୃତିର ତାଣ୍ଡବକୁ ସାମ୍ନା କରୁଥିବା ଆମ ମାନଙ୍କର ପରିଚିତ ମାନବୀୟ ଦୃଷ୍ଟିକୋଣରୁ ସତୀର୍ଥ ମାନଙ୍କ ପାଇଁ ଦାୟିତ୍ୱବୋଧତା ନିଜ ସୀମା ସାଧ୍ୟ ଭିତରେ ତୁଲାଇବା । ବାତ୍ୟାବନ୍ୟା ଇତ୍ୟାଦି ପ୍ରାକୃତିକ ବିପର୍ଯ୍ୟୟ ଆମ ରାଜ୍ୟର ଚିର ସହଚର ହେଇ ଆସିଥିବା ହେତୁ ରାଜ୍ୟବାସୀ ଭାବେ ଆମର ସଚେତନତା ଓ ପ୍ରସ୍ତୁତି ଏଦିଗରେ ଏକାନ୍ତ ଆବଶ୍ୟକ । 
                    ଡ. ଅରୁନ୍ଧତୀ ଦେବୀ
          ମୋ: ୯୯୩୭୧୭୨୮୧୦