ସୁସ୍ଥ ଅଛନ୍ତି ନବୀନ : ପ୍ରେମ
Rasmita Behera
ଭୁବନେଶ୍ୱର: ନବୀନ ସୁସ୍ଥ ଅଛନ୍ତି । ଟିକେ ଚଲାବୁଲା କରୁଛନ୍ତି । ବିଜେଡ଼ି ସୁପ୍ରିମୋ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ବଡ଼ଭାଇ ପ୍ରେମ ପଟ୍ଟନାୟକ ଏହା କହିଛନ୍ତି । ନବୀନ ଏବେ ମୁମ୍ବାଇର କୋକିଳାବେନ୍ ଧୀରୁଭାଇ ଅମ୍ବାନୀ ହସ୍ପିଟାଲରେ ଚିକିିତ୍ସିତ ହେଉଛନ୍ତି । ପ୍ରେମ କହିଛନ୍ତିଯେ, ମୁଁ ନବୀନଙ୍କ ବଡ଼ଭାଇ ପ୍ରେମ ପଟ୍ଟନାୟକ । ନବୀନଙ୍କ ଅସ୍ତ୍ରୋପଚାର ସଫଳ ହୋଇଛି । ତାଙ୍କର ସ୍ୱାସ୍ଥ୍ୟବସ୍ଥା ଭଲ ଅଛି । ସେ ଅଳ୍ପ ଚଲାବୁଲା କରିପାରୁଛନ୍ତି । ସେ ଆଜି ନିଜେ ବାଥରୁମ୍ ମଧ୍ୟ ଚାଲିଚାଲି ଯାଇଥିଲେ । ଓଡ଼ିଶାବାସୀଙ୍କୁ ସେ ଧନ୍ୟବାଦ ଜଣାଉଛନ୍ତି । ଆପଣମାନଙ୍କ ଶୁଭେଚ୍ଛାରେ ଖୁବଶୀଘ୍ର ନବୀନ ସୁସ୍ଥ ହୋଇଯିବେ ବୋଲି ସେ କହିଛନ୍ତି । ଗତକାଲି ଡାକ୍ତର ରମାକାନ୍ତ ପଣ୍ଡାଙ୍କ ତତ୍ତ୍ୱାବଧାନରେ ତାଙ୍କର ଅପରେସନ୍ ଦୁଇଘଣ୍ଟା ଧରି ଚାଲିଥିଲା । ସ୍ପାଇନ୍ ସ୍ପେସିଆଲିଷ୍ଟ ଡାକ୍ତର ରାଜଶେଖର ଅପରେସନ୍ କରିଥିଲେ । ଏସିଆନ ହାର୍ଟ ଇନଷ୍ଟିଚୁ୍ୟଟର ବିଶେଷଜ୍ଞମାନେ ମଧ୍ୟ ଅପରେସନ୍ରେ ସହଯୋଗ କରିଥିଲେ । ଅପରେସନ୍ ବେଳେ ନବୀନଙ୍କ ବଡଭାଇ ପ୍ରେମ ପଟ୍ଟନାୟକ ଏବଂ ଭାଉଜ ମଧ୍ୟ ଉପସ୍ଥିତ ଥିବା ଜାଣିବାକୁ ମିଳିଛି ।
