ଓଡ଼ିଶାର ମହିଳା ନେତ୍ରୀ ,ସରଳା ଦେବୀଙ୍କ ଠାରୁ ଦୀପାଳି
Rasmita Behera
ଭୁବନେଶ୍ୱର : ପ୍ରାକ୍ ସ୍ୱାଧୀନତା ସମୟରେ ସରଳା ଦେବୀ ପ୍ରଥମ ମହିଳା ବିଧାୟିକା ଭାବେ ନିର୍ବାଚିତ ହୋଇଥିଲେ । ୧୯୩୭ରୁ ୧୯୪୫ ପର୍ଯ୍ୟନ୍ତ ସେ ଥିଲେ ବିଧାୟିକା । ଏପରିକି ଦିନକ ପାଇଁ ସେ ବାଚସ୍ପତି ଭାବେ ମଧ୍ୟ କାର୍ଯ୍ୟ କରିଛନ୍ତି । ତେବେ ସେହି ସମୟରେ ଏ. ଲକ୍ଷ୍ମୀବାଇ ମଧ୍ୟ ବିଧାୟିକା ଥିଲେ । ସେ ୧୯୩୭ରୁ ୧୯୪୫ ଓ ୧୯୪୬ରୁ ୧୯୫୨ ପର୍ଯ୍ୟନ୍ତ ବିଧାୟିକା ଭାବେ କାର୍ଯ୍ୟ କରିଥିଲେ । ଏମାନଙ୍କ ବ୍ୟତୀତ ୧୯୪୬ରୁ ୧୯୫୨ ପର୍ଯ୍ୟନ୍ତ ଆନେ କାଥେରିନ ମୁନରୋ ଓ ପ୍ରିୟମ୍ବଦା ଦେବୀ ବିଧାୟିକା ଥିଲେ ।
୧୯୫୨ରେ ୩ ଜଣ ମହିଳା ବିଧାୟିକା ହୋଇଥିଲେ । ପଟ୍ଟାମୁଣ୍ଡାଇରୁ ରାମ ରାଜକୁମାରୀ, ରାଜନଗରରୁ ସରସ୍ୱତୀ ଦେବୀ ଓ ରଣପୁରରୁ ବସନ୍ତ ମଞ୍ଚରୀ ଦେବୀ ବିଧାୟିକା ହୋଇଥିଲେ ।
୧୯୫୭ରେ ୫ ଜଣ ମହିଳା ବିଧାୟିକା ଥିଲେ । ଦିଗପହଣ୍ଡିରୁ ଅନଙ୍ଗ ମଞ୍ଜରୀ ଦେବୀ, ଦେବଗଡ଼ରୁ ରାଣୀ ଜ୍ୟୋତିମଞ୍ଜରୀ ଦେବୀ, କେନଗରରୁ ରତ୍ନପ୍ରଭା ଦେବୀ, ରଣପୁରରୁ ବସନ୍ତ ମଞ୍ଜରୀ ଦେବୀ ଓ ବଡ଼ମ୍ବାରୁ ରାଣୀ ସାହେବା କନକଲତା ଦେବୀ ।
୧୯୬୧ରୁ ୧୯୬୭ ପର୍ଯ୍ୟନ୍ତ ବିଧାନସଭାରେ ୫ ଜଣ ମହିଳା ବିଧାୟକ ହେବାର ସୌଭାଗ୍ୟ ପାଇଥିଲେ । ଭି ସୁଜ୍ଞାନୀ କୁମାରୀ ଦେଓ ପ୍ରଥମ ଥର ପାଇଁ ଉପନିର୍ବାଚନରେ ଖଲିକୋଟରୁୁ ବିଜୟୀ ହୋଇଥିଲେ । ସେହିପରି କାଶୀପୁରରୁ ନବକୁମାରୀ ଦେବୀ, ଭଟଲିରୁ ସରସ୍ୱତୀ ପ୍ରଧାନ, ଢେଙ୍କାନାଳରୁ ରତ୍ନପ୍ରଭା ଦେବୀ ଓ ଏରସମାରୁ ରତ୍ନମାଳୀ ଜେମା ବିଧାୟିକା ହୋଇଥିଲେ ।
ଚତୁର୍ଥ ବିଧାନସଭାକୁ ନିର୍ବାଚିତ ହୋଇଥିଲେ ୫ ବିଧାୟିକା । ଧାମନଗରରୁ ସତ୍ୟଭାମା ଦେବୀ, ସୁକିନ୍ଦାରୁ ଆନନ୍ଦ ମଞ୍ଜରୀ ଦେବୀ, ଭଟଲିରୁ ସରସ୍ୱତୀ ପ୍ରଧାନ ଓ ଢେଙ୍କାନାଳରୁ ବିଜୟୀ ହୋଇଥିଲେ ରତ୍ନପ୍ରଭା ଦେବୀ । ସେହିପରି ଭୁବନେଶ୍ୱରରୁ ସୁଭଦ୍ରା ମହତାବ ଉପନିର୍ବାଚନରେ ବାଜିମାତ୍ କରିଥିଲେ ।
