ଶେଷ ଦିନରେ ନାମାଙ୍କନ ଭରିଲେ ୮ ଜଣ
Rasmita Behera
ଚମ୍ପୁଆ : ବିତ୍ତଶୀଳ ଚମ୍ପୁଆ ନିର୍ବାଚନ ମଣ୍ଡଳୀର ଶେଷ ଦିନରେ ୮ଜଣ ନାମାଙ୍କନ ପତ୍ର ଦାଖଲ କରିଛନ୍ତି । ପୂର୍ବରୁ ବିଜେପି, ବିଜେଡି, ଆମ୍ବେଦକର ପାର୍ଟି ଓଫ ଇଣ୍ଡିଆ ନାମାଙ୍କନ ପତ୍ର ଦାଖଲ କରିଥିବା ବେଳେ ଶନିବାର ଦିନ ୪ଜଣ ପ୍ରାର୍ଥୀ ନାମାଙ୍କନ ଦାଖଲ କରିଥିଲେ । ଆଜି ଜାତୀୟ କଂଗ୍ରସ ଓ ସ୍ୱାଧିନ ପ୍ରାର୍ଥୀଙ୍କୁ ମିଶାଇ ୮ଜଣ ନାମାଙ୍କନ ପତ୍ର ଦାଖଲ କରିଛନ୍ତି । ସର୍ବ ମୋଟ ୧୫ ଜଣ ନାମାଙ୍କନ ପତ୍ର ଦାଖଲ କରିଥିବା ରିଟର୍ଣ୍ଣିଙ୍ଗ ଅଫିସର ସୁକାନ୍ତ ମାଝି ସୂଚନା ଦେଇଛନ୍ତି । ଆଜି ଜାତୀୟ କଂଗ୍ରେସ ପକ୍ଷରୁ ପୂର୍ବରୁ ଥିବା ବିଜେଡି ସାଂସଦ ଯଶବନ୍ତ ନାରାୟଣ ସିଂ ଲାଗୁରୀ ପ୍ରାୟ ୧୨ ହଜାରରୁ ଉର୍ଦ୍ଧ ସମର୍ଥକ ଓ କର୍ମିଙ୍କ ଗହଣରେ ପାରମ୍ପାରିକ ବାଦ୍ୟ ଓ ନୃତୁ୍ୟରେ ନିକଲସ୍ନ ବନ ବିଦ୍ୟାଳୟଠାରୁ ବାହାରି ଚମ୍ପୁଆ ସହର ପରିକ୍ରମା କରିବା ପରେ ଉପଜିଲ୍ଲାପାଳଙ୍କ ନିକଟରେ ନାମାଙ୍କନ ପତ୍ର ଦାଖଲ କରିଥିଲେ । ସେହିପରି ଇଣ୍ଡିଆନ ସିଟିଜେନ ପାର୍ଟି ପକ୍ଷରୁ ବସନ୍ତ କୁମାର ମହାନ୍ତ, ସ୍ୱାଧିନ ପ୍ରାର୍ଥୀ ଭାବେ ଜୟକ୍ରିସ କିସ୍ପାଟ, ଗୁରୁବକ୍ସ ସିଂ ଆଲୁୱାଲିଆ, କ୍ଷିରୋଦ କୁମାର ଗିରି, ସନ୍ତୋଷ କୁମାର ମହାପାତ୍ର, ବେଣୁଧର ମହାନ୍ତି, କଳିଙ୍ଗ ନେସ୍ନାଲ ଫ୍ରଂଟରୁ କ୍ଷିତିଶ ଚନ୍ଦ୍ର ମହାନ୍ତ ପ୍ରମୁଖ ନାମାଙ୍କନ ପତ୍ର ଦାଖଲ କରିଥିଲେ ।
