ମରଣାନ୍ତକ ଆକ୍ରମଣ, ଜଣେ ଗିରଫ
Rasmita Behera
4205
ତିହିଡ଼ି: ତିହିଡ଼ି ଥାନା ଅଧୀନ ପାଳିଆବିନ୍ଧା ପଞ୍ଚାୟତ ରାଉତସାହିରେ ପାରିବାରିକ ହିଂସାକାଣ୍ଡ ଘଟି ଜଣେ ଗୁରୁତର ଆହତ ହୋଇଛନ୍ତି । ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇ ଚିକିତ୍ସା କରାଯାଉଥିବା ବେଳେ ଆକ୍ରମଣକାରୀଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ଅପରାହ୍ନ ଦେଢ଼ଟା ସମୟରେ ପୂର୍ବ ଶତ୍ରୁତାକୁ କେନ୍ଦ୍ର କରି ଉଭୟ ପକ୍ଷ ମଧ୍ୟରେ ଗଣ୍ଡଗୋଳ ଘଟିବାରୁ ପ୍ରହ୍ଲାଦ ରାଉତଙ୍କ ପୁଅ ରଶ୍ମିରଂଜନ ରାଉତ ଉତ୍ତ୍ୟକ୍ତ ହୋଇ ବାଡ଼ି ଓ ଧାରୁଆ ବ୍ଲେଡରେ ରାଜକିଶୋର ରାଉତଙ୍କୁ ଆକ୍ରମଣ କରିଥିଲେ । ମାରିଦେବା ଉଦେ୍ଦଶ୍ୟରେ ଏହି ଆକ୍ରମଣ କରିଥିଲେ ବୋଲି ଅଭିଯୋଗରେ ଦର୍ଶାଯାଇଛି । ଆହତଙ୍କ ବେକ ପଛପଟ କିଛି ଅଂଶ କଟିଯାଇଛି । ଏହି ଘଟଣାରେ ହତ୍ୟା ଉଦ୍ୟମ ସମେତ ବିଭିନ୍ନ ଦଫାରେ ରଶ୍ମିରଂଜନକୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।
