ମୁଁ ଦଳରେ ନାହିଁ, ହେଲେ ବହିଷ୍କାର କାହିଁକି ?
Rasmita Behera
ଭୁବନେଶ୍ବର: ଦଳ ବିରୋଧୀ କାର୍ୟ୍ୟ ଓ ଦଳୀୟ ଅନୁଶାସନ ଭଙ୍ଗ ପାଇଁ ବିଜେପିରୁ ବହିଷ୍କୃତ ହେଲେ ବରିଷ୍ଠ ନେତା ବିଜୟ ମହାପାତ୍ର, ଶାରଦା ପ୍ରଧାନ ଏବଂ ରାକେଶ ମଲ୍ଳିକ । ରାଜ୍ୟ ସଭାପତି ମନମୋହନ ସାମଲଙ୍କ ନିର୍ଦ୍ଦେଶ କ୍ରମେ ତିନି ଜଣ ଦଳରୁ ବହିଷ୍କୃତ ହୋଇଛନ୍ତି । ବିଜୟ ରାଜ୍ୟ କାର୍ୟ୍ୟକାରିଣୀ ସଦସ୍ୟ ଥିବା ବେଳେ ରାକେଶ ଏସସି ମୋର୍ଚ୍ଚା ରାଜ୍ୟ ଉପସଭାପତି ଥିଲେ ।
ଏହାକୁ ନେଇ ବିଜୟ ମହାପାତ୍ର ପ୍ରତିକ୍ରିୟା ରଖିବା ସହ ବିଜେପିକୁ ସମାଲୋଚନା କରିଛନ୍ତି । ସେ କହିଛନ୍ତି, ‘ମୁଁ ଦଳରେ ନାହିଁ, ହେଲେ ବହିଷ୍କାର କାହିଁକି ? ବିଜେପି ଲୋକହସା ନିଷ୍ପତ୍ତି ନେଉଛି ।’ ୫ ବର୍ଷ ପରେ ଦଳ ବିରୋଧୀ କାମ କରିଛି ବୋଲି କିପରି ମନେ ପଡିଲା ବୋଲି ପ୍ରଶ୍ନ କରିଛନ୍ତି ବିଜୟ ।
ଆଗକୁ ସେ କହିଛନ୍ତି, ‘ବିଜେପିରେ କ’ଣ ଚାଲିଛି ଏକଥା ସମସ୍ତେ ଜାଣନ୍ତି । ଦଳ ବିରୋଧୀ କାର୍ୟ୍ୟ ପାଇଁ ଶୃଙ୍ଖଳାଗତ କାର୍ୟ୍ୟାନୁଷ୍ଠାନ ନିଆଗଲା ବୋଲି କୁହାଯାଇଛି । ମୁଁ ତ ଦଳରେ ନାହାନ୍ତି । ମୋତେ କିପରି ବହିଷ୍କାର କରାଗଲା ।’
