ଅକ୍ଷିମୁଠି ଅନୁକୂଳ କଲେ ପ୍ରଣବ ପ୍ରକାଶ
Rasmita Behera
4994
ସମ୍ବଲପୁର : ଆଜି ପବିତ୍ର ଅକ୍ଷୟ ତୃତୀୟା। ସାରା ଓଡ଼ିଶାରେ ପାଳିତ ହେଉଛି ଉତ୍ସବ। ସେପଟେ ସମ୍ବଲପୁର ଜିଲ୍ଲା ରେଙ୍ଗାଲି ଢ଼ୋରୋପାଣିରେ ଅକ୍ଷିମୁଠି ଅନୁକୂଳ କରିଛନ୍ତି ସମ୍ବଲପୁର ବିଜେଡି ସାଂସଦ ପ୍ରାର୍ଥୀ ପ୍ରଣବ ପ୍ରକାଶ ଦାସ। ଶତାଧିକ ଲୋକଙ୍କ ଗହଣରେ ପବିତ୍ର ଅକ୍ଷିମୁଠି ଅନୁକୂଳ କରିଥିଲେ ସାଂସଦ ପ୍ରାର୍ଥୀ ପ୍ରଣବ ପ୍ରକାଶ।
ଏହି ଅବସରରେ ଉପସ୍ଥିତ ଚାଷୀଭାଇମାନଙ୍କୁ ସମ୍ବୋଧନ କରିଥିଲେ ପ୍ରଣବ ପ୍ରକାଶ। ସେ କହିଥିଲେ, ଚାଷୀମାନେ ଲୋକଙ୍କୁ ଆହାର ଯୋଗାଉଛନ୍ତି। ଭଲ ବର୍ଷା ହେଉ, ଭଲ ଫସଲ ହେବା ଲାଗି ପ୍ରଭୁ ଶ୍ରୀଜଗନ୍ନାଥଙ୍କ ନିକଟରେ ସେ କାମନା କରିଥିଲେ। ଚାଷୀଙ୍କ ଉପକାର ଲାଗି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅନେକ ଯୋଜନା କରିଛନ୍ତି। ମାଗଣା ବିଦ୍ୟୁତ ସମେତ ଅନେକ ଘୋଷଣା କରାଯାଇଛି। ଶପଥ ଗ୍ରହଣ ପରଦିନ ସମସ୍ତ ଯୋଜନା କାର୍ୟ୍ୟକାରୀ କରାଯିବ। ହୁଳହୁଳି, ଶଙ୍ଖଧ୍ବନିରେ ପ୍ରକମ୍ପିତ ହୋଇଥିଲା ପରିବେଶ। ଏହି ଅବସରରେ ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା।
