ନିଆରା ଢ଼ଙ୍ଗରେ ରାଧାଷ୍ଟମୀ ପାଳିତ
Rasmita Behera
ାା ପ୍ରଭାନୁ୍ୟଜ ।ା ସୋର : ଭାଦ୍ର ଶୁକ୍ଳ ଅଷ୍ଟମୀ ତିଥିରେ ପଡୁଥିବା ପବିତ୍ର ରାଧାଷ୍ଟମୀକୁ ମହିଳାମାନେ ବ୍ରତ ଭାବେ ପାଳନ କରିଥାନ୍ତି । ମାତ୍ର ଏହାକୁ ସୋର ବଢ଼େଇସାହି ରାଧାକୃଷ୍ଣ କମିଟି ପକ୍ଷରୁ ନିଆରା ଭାବେ ଧୁମଧାମ୍ରେ ତିନିଦିନ ଧରି ପାଳନ କରାଯାଉଥିବା ଦେଖାଯାଇଛି । ଏହି ଉପଲକ୍ଷେ ରାଧା କୃଷ୍ଣଙ୍କର ଯୁଗଳ ମୂର୍ତ୍ତି ଏବଂ ଗୋପୀମାନଙ୍କ ମୃଣ୍ମୟ ମୂର୍ତ୍ତି ନିର୍ମାଣ କରାଯାଇ ପ୍ରଥମ ଦିନରେ ରାଧାଷ୍ଟମୀ ପୂଜା ସହିତ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ, କିଶୋରୀମାନଙ୍କ ମଧ୍ୟରେ ନୃତ୍ୟ, ଗୀତ ପ୍ରତିଯୋଗିତା ଅନୁଷ୍ଠିତ ହୋଇଛି । ଏଥିରେ ବିଭିନ୍ନ ଅଞ୍ଚଳରୁ ଶ୍ରଦ୍ଧାଳୁମାନେ ପହଞ୍ଚô ପୂଜାର୍ଚ୍ଚନା କରିବା ସହିତ ଏହି ଉତ୍ସବକୁ ଉପଭୋଗ କରିଥିବା ଦେଖାଯାଇଛି । ଏହି ଗ୍ରାମର ବରିଷ୍ଠ ନାଗରିକ ପୂର୍ଣ୍ଣଚନ୍ଦ୍ର ସାହୁ କହିଛନ୍ତି ଯେ, ଗତ ପାଞ୍ଚ ବର୍ଷ ହେଲା ଚାଲିଥିବା ଏହି ଉତ୍ସବରେ ସମଗ୍ର ଜିଲ୍ଲାର ରାଧାକୃଷ୍ଣ ପ୍ରେମୀମାନେ ଯୋଗ ଦେଇଥାନ୍ତି । ଏହାକୁ ନିଆରାଭାବେ ପାଳନ କରିବା ସମୟରେ ଗ୍ରାମର ସମସ୍ତଙ୍କ ମଧ୍ୟରେ ସହଯୋଗର ଏକ ନୂତନ ଉଦ୍ଦିପନା ସୃଷ୍ଟି ହୋଇଥାଏ ।
