ଆତ୍ମହତ୍ୟା ସନ୍ଦେହ : ପରିବାରର ୩ ଜଣଙ୍କ ମୃତଦେହ ଉଦ୍ଧାର
Rasmita Behera
କେନ୍ଦ୍ରୀୟ ଉତ୍ପାଦ ଏବଂ ଜିଏସ୍ଟିର ଅତିରିକ୍ତ କମିସନର, ତାଙ୍କ ମାଆ ଏବଂ ଭଉଣୀ କେରଳର ତାଙ୍କ ବାସଭବନରେ ମୃତ ଅବସ୍ଥାରେ ମିଳିବା କଥା ଆମେ ଜାଣନ୍ତି। ଏହି ମାମଲାର ପ୍ରାଥମିକ ତଦନ୍ତ କରି ପୁଲିସ୍ ଏହାକୁ ଏକ ଆତ୍ମହତ୍ୟା ମାମଲା ବୋଲି ଅନୁମାନ କରୁଛି। ଘଟଣାଟି ସେତେବେଳେ ସାମ୍ନାକୁ ଆସିଥିଲା ଯେତେବେଳେ ବ୍ୟୁରୋକ୍ରାଟ ମନୀଷ ବିଜୟଙ୍କ ସହକର୍ମୀମାନେ ଚାରି ଦିନର ଛୁଟି ପରେ କାମକୁ ନ ଫେରିବା ନେଇ ଚିନ୍ତାରେ ତାଙ୍କ ଘରକୁ ଯାଇଥିଲେ। ମନୀଷଙ୍କ ସହକର୍ମୀମାନେ ତାଙ୍କ ବାସଭବନରେ ପହଞ୍ଚିବା ପରେ ସେହି ସ୍ଥାନରେ ପ୍ରବଳ ଦୁର୍ଗନ୍ଧ ହେଉଥିଲେ। ସେହି କାରଣରୁ ସନ୍ଦେହ କରି ସେମାନେ ତୁରନ୍ତ ପୁଲିସ୍କୁ ସୂଚନା ଦେଇଥିଲେ।
ମନୀଷ ଏବଂ ତାଙ୍କ ଭଉଣୀ ଶାଲିନୀଙ୍କୁ ପୃଥକ ପୃଥକ କୋଠରୀରେ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଥିଲା। ସେମାନଙ୍କ ମାଆ ଶକୁନ୍ତଳା ବିଛଣାରେ ମୃତ ଅବସ୍ଥାରେ ମିଳିଥିଲେ। ପୁଲିସ୍ ସନ୍ଦେହ କରୁଛି ଯେ ପ୍ରଥମେ ମାଆଙ୍କ ମୃତ୍ୟୁ ହେବା ପରେ ଭାଇଭଉଣୀ ଆତ୍ମହତ୍ୟା କରିଛନ୍ତି। କୋଚି ପୋଲିସ କମିସନର ପୁଟ୍ଟା ବିମଲାଦିତ୍ୟ ଏନଡିଟିଭିକୁ କହିଛନ୍ତି ଯେ ‘‘କେବଳ ଫରେନସିକ୍ ପରୀକ୍ଷା ପରେ, ଆମେ କହିପାରିବୁ ଯେ ସେମାନଙ୍କର ମୃତ୍ୟୁ କେବେ ହୋଇଥିଲା।" ପୁଲିସ ଗୋଟିଏ କୋଠରୀରୁ ଏକ ଡାଏରୀ ମଧ୍ୟ ପାଇଛି। ଯେଉଁଥିରେ ଏକ ନୋଟ ଲେଖାଯାଇଛି ଯେ ବିଦେଶରେ ରହୁଥିବା ତାଙ୍କ ଭଉଣୀଙ୍କୁ ଯେପରି ତାଙ୍କ ମୃତ୍ୟୁ ଖବର ଦିଆଯାଏ।
