ଆଜିଠୁ ବଢ଼ିବ ତାତି
Rasmita Behera
ଭୁବନେଶ୍ୱର : ଆସନ୍ତାକାଲି ଠାରୁ ପୁଣି ରାଜ୍ୟରେ ତାତି ବଢ଼ିବ । ମାର୍ଚ୍ଚ ୩୧ ଓ ଅପ୍ରେଲ ପହିଲାରେ ଭୀଷଣ ତାତି ପରିଲକ୍ଷିତ ହେବ । କିନ୍ତୁ ଅପ୍ରେଲ ୨ରୁ କାଳବୈଶାଖୀ ପାଇଁ ତାତି ହ୍ରାସ ପାଇବାର ସମ୍ଭାବନା ରହିଛି । ପାଣିପାଗ ବିଭାଗ ପକ୍ଷରୁ ଏଭଳି ପୂର୍ବାନୁମାନ କରାଯାଇଛି । ଆସନ୍ତାକାଲି ସକାଳେ କିଛି ସ୍ଥାନରେ କାଳବୈଶାଖୀର ସମ୍ଭାବନା ରହିଛି । ତେବେ ପରେ ତାତି ପୁଣି ବଢ଼ିଯିବ । ଅପ୍ରେଲ ୨ରେ କୋରାପୁଟ ଓ ମାଲକାନାଗିରିରେ କାଳବୈଶାଖୀ ଜନିତ ଝଡ଼ବର୍ଷା ହେବ । କିନ୍ତୁ ରାଜ୍ୟର ଅଧିକାଂଶ ସ୍ଥାନରେ ପାଗ ଶୁଖିଲା ରହିବ । ସେହିପରି ୩ରେ କୋରାପୁଟ, ମାଲକାନାଗିରି, ରାୟଗଡ଼ା, ନବରଙ୍ଗପୁର, କଳାହାଣ୍ଡିରେ କାଳବୈଶାଖୀ ଜନିତ ବର୍ଷା ହେବ ।
ଅପ୍ରେଲ ୪ରେ କୋରାପୁଟ, ମାଲକାନାଗିରି, ରାୟଗଡ଼ା, ନବରଙ୍ଗପୁର, କଳାହାଣ୍ଡି, ଗଜପତିରେ କାଳବୈଶାଖୀ ଜନିତ ବର୍ଷା ହେବାର ଥିବାବେଳେ ଅପ୍ରେଲ ୫ରେ କୋରାପୁଟ, ମାଲକାନାଗିରି, ରାୟଗଡ଼ା, ନବରଙ୍ଗପୁର, କଳାହାଣ୍ଡି, ଗଜପତି, ଜଗତସିଂହପୁର, ପୁରୀ, ଗଞ୍ଜାମରେ କାଳବୈଶାଖୀ ଝଡ଼ବର୍ଷା ହେବ ।
