ମଦ ଭାଟିରେ ଚଢ଼ଉ; ୨ ଗିରଫ, ୩୦୦ ଲିଟର ମଦ ଜବତ
Jitendra Sahu
3924
ଭୁବନେଶ୍ୱର, ୧୮ା୧୧ : ସାଲିଆସାହିର ଇଡ଼କୋ ବସ୍ତିରେ ଚାଲିଥିବା ଦେଶୀମଦ ଭାଟିରେ ମୈତ୍ରୀବିହାର ଥାନା ପୁଲିସର ଚଢ଼ଉ । ଚଢ଼ଉ ବେଳେ ୨ ବେପାରୀଙ୍କୁ ଗିରଫ କରାଯିବା ସହ ଘର ଭିତରୁ ୩୦୦ ଲିଟର ଦେଶୀମଦ ଓ ୨ ହଜାର ଟଙ୍କା ଜବତ କରାଯାଇଛି । ଗିରଫ ୨ ଅଭିଯୁକ୍ତ ହେଲେ, ଇଡ଼କୋ ବସ୍ତିର ଦୁର୍ଗା ମାରାଣ୍ଡି ଓ ଶଙ୍କର ହେର୍ମମ । ଆଜି ଦୁହିଙ୍କୁ କୋର୍ଟ ଚାଲାଣ କରାଯାଇଛି ।
ସୂଚନା ଯୋଗ୍ୟଯେ, ଗତ ୧୭ ତାରିଖ ଦିନ ଅବା ରବିବାର ଦିନ ବିଶ୍ୱସ୍ତ ସୁତ୍ରରୁ ମିଳିଥିବା ସୂଚନା ଆଧାରରେ ମୈତ୍ରୀବିହାର ଥାନାର ଏକ ଟିମ ସାଲିଆସାହି ଅନ୍ତର୍ଗତ ଇଡ଼କୋ ବସ୍ତିରେ ଅତର୍କିତ ଚଢ଼ଉ କରିଥିଲେ । ଏହି ଚଢ଼ଉ ବେଳେ ପୁଲିସ ୨ ଅଭିଯୁକ୍ତଙ୍କୁ ଗିରଫ କରିବା ସହ ସେମାନଙ୍କ ହେପାଜତରୁ ୩୦୦ ଲିଟର ଦେଶୀମଦ, ମଦ ତିଆରି ସାମଗ୍ରୀ ଓ ୨ ହଜାର ଟଙ୍କା ଜବତ କରିଥିଲେ ।
