ଅଫେରା ରାଇଜେ ଯାତ୍ରା ଅଭିନେତା ସୁରେନ୍ଦ୍ର
Rasmita Behera
ଖଇରା : ୪୫ବର୍ଷ ଧରି ବିଭିନ୍ନ ଯାତ୍ରା ପାର୍ଟିରେ ନିଜ ପ୍ରତିଭା ଦେଖାଇଥିବା ବାଲେଶ୍ୱର ଜିଲା ଖଇରା ବ୍ଲକ ବଣପାରିଆ ଗ୍ରାମର ସୁରେନ୍ଦ୍ର ଦାଶ(୭୩) ଶୁକ୍ରବାର ସକାଳେ ନିଜ ବାସଭବନରେ ଆଖିବୁଜିଛନ୍ତି । ତାଙ୍କ ମୃତୁ୍ୟ ଖବର ପାଇବା ପରେ ଶୁଭେଛୁ, ବିଭିନ୍ନ ପାର୍ଟିରେ କାର୍ଯ୍ୟ କରୁଥିବା କଳାକାର, ଗ୍ରାମବାସୀମାନେ ଶେଷ ଦର୍ଶନ କରିଛନ୍ତି । ସେ ଗତ ୨ବର୍ଷ ଧରି ପକ୍ଷାଘାତ ରୋଗରେ ପିଡିତ ଥିଲେ । ପିଲାବେଳୁ ଅଭିନୟ ପ୍ରତି ରୁଚି ରଖିଆସୁଥିବା ଶ୍ରୀ ଦାଶ ସ୍କୁଲରେ ପଢିବା ସମୟରେ ବାପା କୃଷ୍ଣ ଦାଶଙ୍କ ଦଧିପାର୍ଟିରେ କଳାର ଚାତୁରୀ ଦେଖାଇଥିଲେ । ମ୍ୟାଟ୍ରିକ ପାଶ ପରେ ପ୍ରଥମେ ସାରୁଅ,ପରେ ଜନତା ସୋନାଲୀରେ କାମ କରିବା ପରେ ଗୌରୀ ଗଣନାଟ୍ୟରେ ୩୦ବର୍ଷଧରି କଳାରଚାତୁରୀ ଦେଖାଇବା ସହ ଶେଷରେ ରଙ୍ଗମହଲ ଗଣନାଟ୍ୟରୁ ୬୫ବର୍ଷ ବୟସରେ ଅବସର ଗ୍ରହଣ କରିଥିଲେ । ତାଙ୍କର ଶେଷ କୃତ୍ୟ ପୁରୀ ସ୍ୱର୍ଗଦ୍ୱାରରେ ସମ୍ପର୍ଣ୍ଣ ହୋଇଛି । କଂଗ୍ରେସ ପ୍ରାର୍ଥୀ ହିମାଂଶୁ ଶେଖର ବେହେରା ଓ ବିଜେଡି ପ୍ରାର୍ଥିନୀ ସୁବାଶିନୀ ସାହୁ ପ୍ରମୁଖ ଶୋକସନ୍ତପ୍ତ ପରିବାରକୁ ଭେଟି ସମବେଦନା ଜଣାଇଛନ୍ତି ।
