ଆଠ ଲୁଟେରା ଗିରଫ ; ଚୋରି ସାମଗ୍ରୀ ଓ ବାଇକ ଜବତ
Jitendra Sahu
4401
-
ାା ପ୍ରଭାନୁ୍ୟଜ୍ ।ା ଭୁବନେଶ୍ୱର, ୧୬ା୮ : କମିଶନରେଟ୍ ପୁଲିସ ୩ଟି ଥାନା ଜାଲରେ ୮ଜଣ ଲୁଟେରା । ସେମାନଙ୍କ ଠାରୁ ପୁଲିସ ୩ଟି ବାଇକ, ୫ଟି ପାଣି ପମ୍ପ୍, ଲୁହାକଟା ମେସିନ୍ ଓ ଏକ ଟ୍ରଲି ରିକ୍ସା ଜବତ କରାଯାଇଛି । ତମାଣ୍ଡୋ ପୁଲିସ ଗିରଫ କରିଥିବା ଦୁଇ ବାଇକ ଲୁଟେରା ହେଲେ, ଭଗବାନପୁରର କବିନ୍ଦ୍ର ସେଠୀ, ଛବୀନ୍ଦ୍ର କୁମାର ନାୟକ, ମଟର ଚୋର ରଣସିଂହପୁର ସଞ୍ଜୟ ରାଉତରାୟ, ଖାରବେଳନଗର ଥାନାର ଅଭିଯୁକ୍ତ ଲକ୍ଷ୍ମୀସାଗର ହଳଦୀପଡ଼ିଆ ବସ୍ତିର ସନ୍ତୋଷ ବେହେରା ଓ ଭରତପୁର ଥାନାର ୪ ଅଭିଯୁକ୍ତ ହେଲେ, ଦାଶରଥି ଦଳେଇ, କାହ୍ନା ଦାସ, ଧନୁରର୍ଧର ନାୟକ ଓ ଅଜୟ ନାୟକ । ଆଜି ସମସ୍ତଙ୍କୁ ବାଇକ ଚୋରି, ମୋବାଇଲ ଚୋରି, ନିର୍ମାଣଧିନ କୋଠାରୁ ପାଣି ମଟର ଚୋରି ଓ ଟ୍ରଲି ରିକ୍ସା ଚୋରି ମାମଲାର ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି ।
ସୂଚନା ଯୋଗ୍ୟଯେ, ଗତ ୧୩ ତାରିଖ ରାତିରେ ପାତ୍ରପଡ଼ା ଭଗବାନପୁରରୁ ଏକ ବାଇକ ଚୋରି ଅଭିଯୋଗରେ ତମାଣ୍ଡୋ ଥାନା ପୁଲିସ ୨ ଜଣ ଲୁଟେରାଙ୍କୁ ଗିରଫ କରିବା ସହ ସେମାନଙ୍କ ଠାରୁ ଏକ ବାଇକ ଜବତ କରିଛି । ସେହିଭଳି ରଣସିଂହପୁର ଠାରେ ଥିବା ଏକ ନିର୍ମାଣଧିନ କୋଠାରେ ପଶି ସେଠାରୁ ୫ଟି ପାଣି ମଟର ପମ୍ପ ଓ ଏକ ଲୁହାକଟା ମେସିନ୍ ଚୋରି ଅଭିଯୋଗରେ ଜଣେ ଲୁଟେରାକୁ ଗିରଫ କରିବା ସହ ଚୋରି ସମାଗ୍ରୀ ଜବତ କରିଥିଲା ତମାଣ୍ଡୋ ପୁଲିସ । ସେହିଭଳି ଖାରବେଳନଗର ଥାନା ପୁଲିସ ମାଷ୍ଟର କ୍ୟାଣ୍ଟିନ୍ ଛକ ନିକଟରେ କିଛି ଚୋରା ମୋବାଇଲକୁ କେତେକ ଗ୍ରାହକଙ୍କୁ ବିକ୍ରି ବେଳେ ଲୁାଟେରାକୁ ଧରିଲା ପେଟ୍ରୋଲିଂ ଟିମ । ତାଠାରୁ ଏକ ବାଇକ, ୩ଟି ମୋବାଇଲ ଜବତ କରାଯାଇଛି । ଭରତପୁର ଥାନା ପୁଲିସ ମଧ୍ୟ କୋଳଥିଆ ସତ୍ୟସାଇ ଏନକ୍ଲାବ୍ର ଏକ ଘରର ଗ୍ୟାରେଜରୁ ଏକ ବାଇକ ଚେରି ହୋଇଥିବା ଅଭିଯୋଗରେ ଆଜି ୨ ଜଣ ଲୁଟେରାଙ୍କୁ ଗିରଫ କରିବା ସହ ସେମାନଙ୍କ ଠାରୁ ଚୋରି ବାଇକକୁ ଜବତ କରିଛି । ସେହିଭଳି ପଣ୍ଡାକୁଦିଆରି ଜଗନ୍ନାଥ ବସ୍ତିରୁ ଏକ ଟ୍ରଲି ରିକ୍ସାକୁ ଚୋରି କରିଥିବା ଅଭିଯୋଗରେ ଦୁଇ ଜଣ ଚୋଙ୍କୁ ଗିରଫ କରିବା ସହ ସେମାନଙ୍କ ଠାରୁ ଏକ ଟ୍ରଲି ଜବତ କରାଯାଇଛି ।
