ଏସ୍ଭିଏମ୍ ମହାବିଦ୍ୟାଳୟରେ ନୂତନ ଅଧ୍ୟକ୍ଷାଙ୍କ ଯୋଗଦାନ
Rasmita Behera
ଜଗତସିଂହପୁର : ଜଗତସିଂହପୁର ଏସଭିଏମ୍ ସ୍ୱୟଂ ଶାସିତ ମହାବିଦ୍ୟାଳୟରେ ବ୍ୟାସନଗର ସ୍ୱୟଂ ଶାସିତ ମହାବିଦ୍ୟାଳୟର ରସାୟନିକ ବିଜ୍ଞାନର ପ୍ରାଧ୍ୟାପିକା ଡ଼. ସୁଜାତା ଓଝା ନୂତନ ଅଧ୍ୟକ୍ଷା ଭାବେ ନିଯୁକ୍ତି ହୋଇଛନ୍ତି । ନୂତନ ଅଧ୍ୟକ୍ଷା ଶ୍ରୀମତୀ ଡ଼. ଓଝା କଲେଜ ପରିଚାଳନା ସମିତି ସଭାପତି ତଥା ଏଡିଏମ ସମ୍ବିତ କୁମାର ରାଉତଙ୍କ କାର୍ଯ୍ୟାଳୟରେ ଯୋଗ ଦେଇଥିଲେ । ପରେ ମହାବିଦ୍ୟାଳୟରେ ନୂତନ ଅଧ୍ୟକ୍ଷା ଶ୍ରୀମତୀ ଡ଼. ଓଝା ବର୍ତ୍ତମାନ ଅଧ୍ୟକ୍ଷ ନରେନ୍ଦ୍ର କୁମାର ଦାସଙ୍କ ଠାରୁ ଦାୟିତ୍ୱ ଗ୍ରହଣ କରିଥିଲେ । ଏଥିରେ କଲେଜର ସମସ୍ତ ଶିକ୍ଷକ ଓ ଅଣଶିକ୍ଷକ କର୍ମଚାରୀମାନେ ଉପସ୍ଥିତ ରହିଥିଲେ । ଉକ୍ତ କାର୍ଯ୍ୟକ୍ରମରେ ପ୍ରଶାସନିକ ଅଧିକାରୀ ଅନନ୍ତ ଚରଣ ଆଚାର୍ଯ୍ୟ, ବିଭାଧିକାରୀ ପ୍ରାଧ୍ୟାପକ ନୃସିଂହ ଚରଣ ସାମନ୍ତରାୟ, ପରୀକ୍ଷା ନିୟନ୍ତିକା ଡ଼. ମନୋଜା ମଞ୍ଜରୀ ସ୍ୱାଇଁ, ପୂର୍ବତନ ଅଧକ୍ଷା ବନ୍ଦିତା ଦାସ, ମେଡିଆ ସେଲ ଅଧ୍ୟାପକ ଶୁଭେନ୍ଦୁ ମୌଳି ନନ୍ଦଙ୍କ ସମେତ ସମସ୍ତ ଅଧ୍ୟାପକ ଅଧ୍ୟାପିକା, କର୍ମଚାରୀ ଉପସ୍ଥିତ ରହିଥିଲେ ।
