ବ୍ୟବସାୟୀ ପ୍ରତିଷ୍ଠାନ ଉପରେ ଚଢ଼ାଉ
Rasmita Behera
4789
ଜଗତସିଂହପୁର : ଜଗତସିଂହପୁର ଅତିରିକ୍ତ ଜିଲ୍ଲାପାଳ ଜ୍ୟୋତି ଶଙ୍କର ରାୟଙ୍କ ନିଦେ୍ର୍ଦଶରେ ଜଗତସିଂହପୁର ବଜାରରେ ଥିବା ବିଭିନ୍ନ ବ୍ୟବସାୟୀ ପ୍ରତିଷ୍ଠାନ ଉପରେ ଏକ ମିଳିତ ଚଢାଉ ହୋଇଥିଲା । ଏଥିରେ ମାପ ଓଜନ ସଂସ୍ଥା, ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ଏବଂ ପୋଲିସର ଅଧିକାରୀ ମାନେ ଯୋଗ ଦେଇଥିଲେ । ମାପ ଓଜନ ବିଭାଗର ଯୁଗ୍ମ ନିୟନ୍ତ୍ରକଙ୍କ ଅଧ୍ୟକ୍ଷତାରେ ଜଗତସିଂହପୁର ବଜାରରେ ପେଟ୍ରୋଲ ପମ୍ପ, ଗ୍ୟାସ ଡିଲର ଓ ମାଛ ଦୋକାନ ଆଦି ଯାଞ୍ଚ କରାଯାଇଥିଲା । ମାପ ଓଜନ ନିୟମ ଉଲଂଘନ କରିଥିବା ୫ଟି ବ୍ୟବସାୟୀଙ୍କ ଉପରେ କାର୍ଯ୍ୟାନୁଷ୍ଠାନ ନିଆଯାଇ ଆଇନ୍ ଅନୁଯାୟୀ ଜୋରିମାନା ବାବଦକୁ ୨୬,୬୦୦ ଟଙ୍କା ଆଦାୟ କରାଯାଇଥିଲା । ଜଗତସିଂହପୁର ଜÿିଲ୍ଲାର ବିଭିନ୍ନ ବ୍ଲକ ଓ ତହସିଲ ଅଞ୍ଚଳରେ ଅନେକ ଏହିଭଳି ଅନେକ ଅସାଧୁ ବ୍ୟବସାୟ ପ୍ରତିଷ୍ଠାନମାନ ରହିଛି ସେମାନଙ୍କ ପ୍ରତି କେବେ କାର୍ଯ୍ୟାନୁଷ୍ଠାନ ନିଆଯାଉଛି ଦେଖିବାକୁ ବାକି ରହିଲା ।
