ଓଷ୍ଟା ମେଧାବୃତ୍ତି ଅନ୍ୱେଷଣ ପରୀକ୍ଷା
Rasmita Behera
5620
ବଡ଼ସାହି: ବଡ଼ସାହି ବ୍ଲକ୍ ଅନ୍ତର୍ଗତ ବୃନ୍ଦାବନଚନ୍ଦ୍ର ଉଚ୍ଚ ବିଦ୍ୟାଳୟ ଠାରେ ଓଷ୍ଟା ମେଧାବୃତ୍ତି ଅନ୍ୱେଷଣ ପରୀକ୍ଷା ଅନୁଷ୍ଠିତ ହୋଇଯାଇଛି । ଉକ୍ତ ପରୀକ୍ଷା କେନ୍ଦ୍ରରେ ୧୩୦ ଜଣ ପରୀକ୍ଷାର୍ଥୀ (କେବଳ ନବମ ଶ୍ରେଣୀ) ପରୀକ୍ଷା ଦେଇଥିଲେ । ଶିକ୍ଷକ ରମେଶ ଚନ୍ଦ୍ର ହାଁସଦା ପରୀକ୍ଷା ପରିଚାଳନା କରିଥିଲେ । ପର୍ଯ୍ୟବେକ୍ଷକ ଭାବେ ବିଜୟ କୁମାର ପାଣିଗ୍ରାହୀ ଯୋଗ ଦେଇଥିଲେ । ଶିକ୍ଷକ ପ୍ରଭାକର ଉପାଧ୍ୟାୟ, ରାମଚନ୍ଦ୍ର ବେହେରା, ଶାନ୍ତନୁ ମହାନ୍ତି ଏବଂ ଅଜୟ ପରିଡ଼ା ନିରୀକ୍ଷକ କାର୍ଯ୍ୟ ତୁଲାଇଥିଲେ । ବିକାଶ ମହାନ୍ତ ସହଯୋଗ କରିଥିଲେ । ପ୍ରାରମ୍ଭରେ ଏକ ସଭାର ଆୟୋଜନ ହେଇଥିଲା । ବ୍ଲକ୍ ଓଷ୍ଟା ସଭାପତି ହରିଶ ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ମୟୂରଭଞ୍ଜ ଜିଲ୍ଲା ଓଷ୍ଟା ଯୁଗ୍ମ ସମ୍ପାଦକ ପ୍ରଭାସ କୁମାର ନାୟକ ଯୋଗ ଦେଇ ଓଷ୍ଟା ମେଧାବୃତ୍ତି ଅନ୍ୱେଷଣର ନୀତି ନିୟମ ଓ ବୃତ୍ତି ସମ୍ବନ୍ଧରେ ସୂଚନା ଦେଇଥିଲେ ।
