କୁଖ୍ୟାତ ଲୁଟେରା ଲିଟୁ ଗିରଫ ; ଲାଗିଲା -୧୧୦
Jitendra Sahu
4923
ଭୁବନେଶ୍ୱର, ୧୧ା୪ : ଲୋକଙ୍କ ଠାରୁ ମୋବାଇଲ ଝାମ୍ପି ନେଉଥିବା କୁଖ୍ୟାତ ଲୁଟେରା ପ୍ରଭାକର ବେହେରା ଓରଫ ଲିଟୁକୁ ଗିରଫ କରିଛି ଏୟାରପୋର୍ଟ ଥାନା ପୁଲିସ । ତା ନାମରେ ପୂର୍ବରୁ ଥାନାରେ ୬ଟି ଅପରାଧିକ ମାମଲା ରହିଥିବାରୁ ତାକୁ ଥାନା କେସ ନମ୍ବର ୪୧୭ରେ ମାମଲା ରୁଜୁକରି, ଦଫା ୩୯୧/୩୪ ଆଇପିସି ଧାରାରେ କୋର୍ଟ ଚାଲାଣ କରାଯିବା ସହ ଲଗାଯାଇଛି ୧୧୦ ।
ସୂଚନାଯୋଗ୍ୟ ଯେ, ଗତ ତା ୧୮.୧୧.୨୦୨୩ ରିଖ ରାତିରେ ଅଭିଯୋଗକାରୀ ତରୁଣ କୁମାର ନାୟକ ପୋଖରୀପୁଟ ଏଲଆଇସି କାର୍ଯ୍ୟାଳୟ ଦେଇ ଘରକୁ ଫେରୁଥିଲେ । ସେହି ସମୟରେ ୩ ଜଣ ଲୁଟେରା ବାଇକରେ ଆସି ହଠାତ ତାଙ୍କ ମୋବାଇଲ ଛିନତାଇ କରି ଫେରାର ହୋଇଯାଇଥିଲେ । ଏନେଇ ତରୁଣ ଏୟାରପୋର୍ଟ ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ମୋବାଇଲ ଟ୍ରାକିଂ ଦ୍ୱାରା ଅଭିଯୋଗର ୪ ମାସ ପରେ ଗୁରୁବାର ମୁଖ୍ୟ ଅଭିଯୁକ୍ତ ଲିଟୁକୁ କାର୍ଗିଲ ବସ୍ତିରୁ ଗିରଫ କରାଯାଇଛି । ବାକି ୨ ସହଯୋଗୀକୁ ପୁଲିସ ଧରିବାକୁ ଚଢ଼ାଉ ଜାରି ରଖିଛି ।
