କେବେ ଆଦର୍ଶ ଥାନାରେ ସାମିଲ ହେବ ନରସିଂହପୁର ଓ ଡିହାପଡା
Rasmita Behera
5167
ପଟ୍ଟାମୁଣ୍ଡାଇ: ପଟ୍ଟାମୁଣ୍ଡାଇ ବ୍ଲକ୍ ନରସିଂହପୁର ଓ ଡିହାପଡା ପଞ୍ଚାୟତକୁ ସୁଦୂର ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନାରେ ସାମିଲ କରାଯାଇଛି । ଯାହାଫଳରେ ଏହି ପଞ୍ଚାୟତର ଲୋକମାନେ ନ୍ୟାୟ ପାଇବା ପାଇଁ ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନାକୁ ଯାଇ ନାହିଁ ନଥିବା ଦୁର୍ଦଶା ଭୋଗ କରୁଛନ୍ତି ଓ ଏ ସମ୍ପର୍କରେ ସ୍ଥାନୀୟ ଅଧିବାସୀ କେନ୍ଦ୍ରାପଡ଼ା ବିଧାୟକ ଗଣେଶ୍ୱର ବେହେରାଙ୍କ ଦୃଷ୍ଟି ଆକର୍ଷଣ କରି ଏ ଦିଗରେ ପଦକ୍ଷେପ ନେବାକୁ ଅନୁରୋଧ କରିଥିଲେ । ବିଧାୟକ ଗଣେଶ୍ୱର ବେହେରା ପରିସ୍ଥିତିର ଗମ୍ଭୀରତା ଉପଲବ୍ଧି କରି ଚଳିତ ବିଧାନସଭା ଅଧିବେଶନରେ ଏ ପ୍ରସଙ୍ଗ ଉତ୍ଥାପନ କରିଛନ୍ତି । ମୁଖ୍ୟମନ୍ତ୍ରୀ ତଥା ସ୍ୱରାଷ୍ଟ୍ର ମନ୍ତୀ ମୋହନ ମାଝୀ ଖୁବ ଶୀଘ୍ର ନରସିଂହପୁର ଓ ଡିହାପଡା ପଞ୍ଚାୟତ ପଟ୍ଟାମୁଣ୍ଡାଇ ଆଦର୍ଶ ଥାନାରେ ସାମିଲ ହେବା ବିଚାରଧିନ ଅଛି ବୋଲି ପ୍ରକାଶ କରିଛନ୍ତି ।
