ଗାଡ଼ି ଧକ୍କାରେ ବୃଦ୍ଧ ମୃତୁ୍; ଡ୍ରାଇଭର ଗିରଫ
Jitendra Sahu
4873
ଭୁବନେଶ୍ୱର,୪ା୧୨ : ଗାଡ଼ି ଧକ୍କାରେ ଗତକାଲି ଜଣେ ବୃଦ୍ଧଙ୍କ ମୃତୁ୍ୟ ଘଟଣାରେ ବାଲିଅନ୍ତା ଥାନା ପୁଲିସ ବୁଧବାର ଗାଡ଼ି ଚାଳକଙ୍କୁ ଗିରଫ କରିଛି । ଗିରଫ ଗାଡ଼ି ଚାଳକଙ୍କ ନାମ ଦିନେଶ ପାତ୍ର (୨୩) ଓ ତାଙ୍କ ଘର କଟକ ଜିଲ୍ଲା ବାଇଦେଶ୍ୱର ଥାନା ଅଞ୍ଚଳରେ ବୋଲି ଜଣାପଡ଼ିଛି ।
ସୂଚନା ଅନୁଯାୟୀ, ମଙ୍ଗଳବାର ସନ୍ଧ୍ୟା ପ୍ରାୟ ୫ଟା ୩୦ ସମୟରେ ଅଭିଯୋଗକାରିଣୀ ଗାୟତ୍ରୀ ମହାପାତ୍ରଙ୍କ ବାପା ନିରଞ୍ଜନ ମହାପାତ୍ର ସ୍କୁଟି ଯୋଗେ ପୁରୁଣା ପ୍ରଧାନ ଗାଁରୁ କାଳକାଟିକୁ ଯାଉଥିଲେ । ସେହି ସମୟରେ ପୁରୁଣା ପ୍ରଧାନ ପଞ୍ଚାୟତ ରାସ୍ତା ଜନ ଔଷଧୀ ସାମ୍ନାରେ ଛିଡ଼ା ହୋଇଥିବା ବେଳେ ଅଭିଯୁକ୍ତ ଜଣଙ୍କ ଏକ ମିକ୍ସଚର ମେସିନ ଗାଡ଼ିକୁ ଦ୍ରୁତ ଗତିରେ ଆଣି ବୃଦ୍ଧଙ୍କୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ହିଁ ନିରଞ୍ଜନଙ୍କ ମୃତୁ୍ୟ ହୋଇଥିଲା । ଏନେଇ ଥାନାରେ ଅଭିଯୋଗ ହେବା ପରେ ପୁଲିସ ଏକ ମାମଲା ରୁଜୁ କରି ଗାଡ଼ିକୁ ଜବତ କରିବା ସହ ଅଭିଯୁକ୍ତ ଡ୍ରାଇଭର ଦିନେଶକୁ ଗିରଫ କରି ଆଜି କୋର୍ଟ ଚାଲାଣ କରିଛି ।
