ଗୋଟିଏ ଫଳକରେ ଦୁଇଟି କାର୍ଯ୍ୟ
Rasmita Behera
ପାପଡାହାଣ୍ଡି: ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ସେମଳା ପଞ୍ଚାୟତ ଡୁମରିପଦର ଠାରୁ ପଖନାଗୁଡା ରାସ୍ତା ଗାଡୁଆଲ ସୂଚନା ଫଳକରେ ଦୁଇ ପାର୍ଶ୍ୱରେ ଗୋଟିଏ ଫଳକରେ ଦୁଇଟି କାର୍ଯ୍ୟ ହୋଇଥିବା ନେଇ ସୂଚନା ଫଳକ ଦେଖିବାକୁ ମିଳିଛି । ଗାଡୁଆଲ କାମ ଗୋଟିଏ କିନ୍ତୁ ସୂଚନା ଦୁଇଟି ହୋଇଥିବା ସାଧାରଣରେ ଅଭିଯୋଗ ହୋଇଛି । ଗୋଟିଏ ପାର୍ଶ୍ୱରେ ଗାଡୁଆଲ କାମ ୯୯୯୩୦୦ ଟଙ୍କା ର କର୍ଡÿ ନଂ ୨୪୩୦୦୦୭୦୨୦/ଆରସି/ ୧୦୬୦୫୧୨୭ ଲେଖାଯାଇଥିବା ବେଳେ ଅନ୍ୟପଟେ ପଖନାଗୁଡାର ଚକ୍ର ପୂଜାରୀଙ୍କ ପୋଖରୀ ୩୧୭୦୦୦ ଟଙ୍କାର କାର୍ଡÿ ନମ୍ବର ୨୪୩୦୦୦୭୦୨୦/ଆଇଏଫ/୧୧୦୭୮୩୭୮ ବୋଲି ଉଲ୍ଲେଖ ରହିଛି । ଯାହାକି ୨୩-୨୪ ମସିହା କାମରେ ଯେଉଁ ସୂଚନା ଫଳକ ରହିଛି ସେହି ଗାଡୁଆଲର କାମ କିଛି ଦୂରରେ ହୋଇଛି କିନ୍ତୁ ଫଳକ ନିକଟରେ ପୋଖରୀ ଉଭାନ ହୋଇଥିବା ଅଭିଯୋଗ ହୋଇଛି । ଅନ୍ୟ ପକ୍ଷରେ ଦୁଇଟି କାମ ପାଇଁ ଦୁଇଟି ଫଳକ ରହିବା ନିୟମ ରହିଥିବା ବେଲେ ଏଠାରେ ତାହା ବ୍ୟତିକ୍ରମ ଦେଖାଦେଇଛି । ବିଭାଗୀୟ ଅଧିକାରୀ ମାନେ କାମ ପାଖକୁ ନଯାଇ ତଦାରଖ କରୁନଥିବାରୁ ଏଭଳି ନିୟମ ଉଲଙ୍ଘନ ହେଉଥିବା ଅନୁମାନ କରିଛନ୍ତି ସାଧାରଣ ଲୋକେ ।
