ଗୋଡିବାରିରେ ଆଖି ବୁଜିଲା ଅସୁସ୍ଥ ହାତୀ ଛୁଆ
Jitendra Sahu
5788
ଭୁବନେଶ୍ୱର, ୨ା୯ : ଭୁବନେଶ୍ୱର ସ୍ଥିତ ଚନ୍ଦକା ଗୋଡିବାରିରେ ଅସୁସ୍ଥ ହାତୀ ଛୁଆର ମୃତୁ୍ୟ ଘଟିଛି । ମୃତ ହାତୀ ଛୁଆଟିର ବୟସ ପ୍ରାୟ ୩ ବର୍ଷ । ହାତୀ ଛୁଆଟି ବଲାଙ୍ଗିର ଜିଲ୍ଲା ଦେଓଗାଁରୁ ଆସିଥିଲା । କିଛି ତଳେ ସେ ଅସୁସ୍ଥ ହୋଇପଡିଥିଲା । ଚନ୍ଦକା-ଡମପଡ଼ା ଅଭୟାରଣ୍ୟର ଗୋଡିବାରି ହାତୀ ପ୍ରଶିକ୍ଷଣ କେନ୍ଦ୍ର ନିକଟରେ ତାର ଚିକିସôା କରାଯାଉଥିଲା । ସପ୍ତାହେ ହେବ ନନ୍ଦନକାନନ ଓ ଓୟୁଏଟି ଟିମ୍ ତାକୁ ସୁସ୍ଥ କରିବାରେ ଲାଗିଥିଲେ । ଖାଇ ପିଇ ପାରୁନଥିବାରୁ ଲଗାତାର ସାଲାଇନ ଦିଆଯାଉଥିଲା । ହାତୀଟିର ପାଟି ଘା’ ହୋଇ ଯାଇଥିବାରୁ ତାକୁ ଆଣ୍ଟି ବାୟୋଟିକ୍ ଦେଉନଥିଲେ ଡାକ୍ତର । ହାତୀ ଛୁଆକୁ ସୁସ୍ଥ କରିବା ପାଇଁ ସବୁ ପ୍ରକାର ଉଦ୍ୟମ କରିଥିଲେ ଶେଷରେ ହାତୀ ଛୁଆଟିର ମୃତୁ୍ୟ ଘଟିଥିଲା । ଆଜି ହାତୀ ଛୁଆର ପୋଷ୍ଟ ମର୍ଟମ କରାଯାଇଥିବା ଚନ୍ଦକା ଡିଏଫ୍ଓ ଶରତ ଚନ୍ଦ୍ର ବେହେରା କହିଛନ୍ତି ।
