ଗୋବିନ୍ଦପୁର ଥାନାରେ ଆଇଆଇସି ପଦବୀ ଖାଲି
Rasmita Behera
5308
ନିଆଳି: କଣ୍ଟାପଡା ବ୍ଲକ୍ ଅନ୍ତର୍ଗତ ସମ୍ବେଦନଶୀଳ ଗୋବିନ୍ଦପୁର ଥାନାରେ ଆଇଆଇସି ପଦ ଦୀର୍ଘ ଦିନ ହେଲା ଖାଲି ପଡିଛି । ଉକ୍ତ ଥାନାଟି ଓଆଇସି ପଦରୁ ଆଇଆଇସି ପଦ ମିଳିବା ପରେ କମ୍ ଦିନ ବ୍ୟବଧାନରେ ତିନି ତିନିଟା ଆଇଆଇସି ବଦଳି ହୋଇସାରିଲେଣି । ଏଠାରେ ଥିବା ଆଇଆଇସି ରଶ୍ମି ରଞ୍ଜନ ଦାସଙ୍କୁ ଜଗତ୍ସିଂହପୁର ବଦଳି ହେବା ପରେ ନିଆଳି ଥାନା ଆଇଆଇସି ବିଜୟ କୁମାର ମଲ୍ଳିକଙ୍କୁ ଅତିରିକ୍ତ ଦାୟିତ୍ୱ ଦିଆଯାଇଛି । ସ୍ଥାୟୀ ଆଇଆଇସି ପଦବୀ ପୂରଣ ହୋଇନଥିବାରୁ ଗୋବିନ୍ଦପୁର ଥାନା ଅଞ୍ଚଳବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି । ୧୧ଟି ପଞ୍ଚାୟତକୁ ନେଇ ଉକ୍ତ ଥାନା ଗୋପାଳପୁର ଠାରୁ କୁସୁନୁପୁୁର ପର୍ଯ୍ୟନ୍ତ ଶାନ୍ତି ଶୃଙ୍ଖଳରେ ଅସୁବିଧା ଉପୁଜୁଛି । ସାଧାରଣ ଲୋକଙ୍କୁ ନ୍ୟାୟ ଦେବା ଓ ଜନ ସାଧାରଣ ଧନ ଜୀବନ ସୁରକ୍ଷା ରଖିବାକୁ କଟକ ଗ୍ରାମାଞ୍ଚଳ ଏସ୍ପି ଯଥାଶୀଘ୍ର ଆଇଆଇସି ପଦ ପୂରଣ କରିବାକୁ ଅଞ୍ଚଳବାସୀ ଦାବି କରିଛନ୍ତି ।
