ଛାତ୍ରୀଙ୍କୁ ଚାପୁଡା ମରା ଘଟଣାର ତଦନ୍ତ କଲେ ଏସ୍ଡିପିଓ
Rasmita Behera
ବେତନଟୀ: ବେତନଟୀ ବ୍ଲକ ପାଟଳୀପୁରା ପଞ୍ଚାୟତ ଅଧୀନ ପ୍ରତିମା ଦେଇପୁର ସ୍କୁଲରେ ଜନୈକା ଛାତ୍ରୀଙ୍କୁ ·ପୁଡା ମାରିବା ଘଟଣାରେ ଅଭିଭାବକ ସ୍କୁଲ ଷ୍ଟୁଡେଣ୍ଟ ହେଲ୍ପଲାଇନ ଅଭିଯୋଗ କରିବାପରେ ମଙ୍ଗଳବାର ସ୍କୁଲରେ ପହଞ୍ଚି ସରଜମିନ ତଦନ୍ତ କରି ଫେରିଛନ୍ତି ବେତନଟୀ ଏସଡିପିଓ ସୁଦର୍ଶନ ଦାଶ, ବ୍ଲକ ଶିକ୍ଷା ଅଧିକାରୀ ବିପ୍ଳବ କରଙ୍କ ସମେତ ଶିକ୍ଷାବିଭାଗର ଅନ୍ୟାନ୍ୟ ପଦାଧିକାରୀ ।
ହସ୍ତଗତ ସୂଚନା ମୁତାବକ ସ୍କୁଲରେ ଝାଡୁ ମାରିବାକୁ କେନ୍ଦ୍ରକରି ପ୍ରଧାନଶିକ୍ଷକ ବଂଶୀଧର ଓଝା ଜନୈକା ଷଷ୍ଠ ଶ୍ରେଣୀର ଛାତ୍ରୀଙ୍କୁ ଶକ୍ତ ·ପୁଡା ମାରିଥିଲେ । ପ୍ରଧାନଶିକ୍ଷକଙ୍କ ଶକ୍ତ ·ପୁଡାରେ ସମ୍ପୃକ୍ତ ଛାତ୍ରୀଙ୍କର ଗାଲ ଫୁଲିଯିବା ସହିତ ଭୀଷଣ ଯନ୍ତ୍ରଣା ହେବାରୁ ଅଭିଭାବକ ଡାକ୍ତରଙ୍କ ପରାମର୍ଶ ନେଇ ଔଷଧ ଖୁଆଇଥିଲେ । ତେବେ ଷଷ୍ଠଶ୍ରେଣୀ ଛାତ୍ରୀଙ୍କୁ ଏଭଳି ଅମାନୁଷିକ ଭାବରେ ଶକ୍ତ ·ପୁଡା ମାରି ଆହତ କରିବା ଘଟଣାକୁ ନେଇ ଅଭିଭାବକ ତୀବ୍ର ଅସନ୍ତୋଷ ବ୍ୟକ୍ତ କରିଥିବା ବେଳେ ଏନେଇ ସେ ସ୍କୁଲ ଷ୍ଟୁଡେଣ୍ଟ ହେଲପ୍ ଲାଇନରେ ଅଭିଯୋଗ କରିଥିଲେ । ଏହାପରେ ଅଭିଯୋଗର ତଦନ୍ତ ପାଇଁ ଜିଲ୍ଲା ଶିକ୍ଷା ଅଧିକାରୀଙ୍କ ନିକଟକୁ ଚିଠି ଆସିବାପରେ ସେ ବେତନଟୀ ବ୍ଲକ ଶିକ୍ଷାଅଧିକାରୀଙ୍କୁ ନିଦେ୍ର୍ଦଶ ଦେଇଥିଲେ । ମଙ୍ଗଳବାର ବେତନଟୀ ଏସଡିପିଓ ସୁଦର୍ଶନ ଦାଶ, ବିଇଓ ବିପ୍ଳବ କର, ଏବିଇଓ ତଥା ବିଆରସିସି ଗୋପାଳଚନ୍ଦ୍ର ସେନାପତି, ସିଆରସିସି ଦେବାଶିଷ ସାହୁ ପ୍ରମୁଖ ଅଧିକାରୀଗଣ ପ୍ରତିମାଦେଇପୁର ସ୍କୁଲର ପହଞ୍ଚି ଅଭିଯୋଗର ତଦନ୍ତ କରିଥିଲେ । ଏନେଇ ସମ୍ପୃକ୍ତ ପ୍ରଧାନଶିକ୍ଷକ ବଂଶୀଧର ଓଝାଙ୍କ ପ୍ରତିକ୍ରିୟା ମିଳିପାରିନଥିବା ବେଳେ ସବିସ୍ତୃତ ଯୁଗ୍ମ ତଦନ୍ତ ରିପୋର୍ଟ ଜିଲ୍ଲା ଶିକ୍ଷା ଅଧିକାରୀଙ୍କୁ ପ୍ରଦାନ କରିବେ ବୋଲି ବେତନଟୀ ବିଇଓ ବିପ୍ଳବ କର ସୂଚନା ଦେଇଛନ୍ତି ।
