ଦୁଇ ଲୁଟେରା ଗିରଫ ; ୨ ମୋବାଇଲ ଜବତ
Jitendra Sahu
ଭୁବନେଶ୍ୱର, ୨୯ା୫ : କମିଶନରେଟ୍ ପୁଲିସର ଦୁଇ ଥାନା ଜାଲରେ ୨ ଜଣ ଲୁଟେରା । ସେମାନଙ୍କ ଠାରୁ ୨ଟି ମୋବାଇଲ ଜବତ କରାଯାଇଛି । ଗିରଫ ଦୁଇ ଲୁଟେରା ହେଲେ, ଭରତପୁର ଥାନାର ଅଭିଯୁକ୍ତ ହେଲା, ଭରତପୁର ସତ୍ୟନଗରର ଶିବ ଦାସ ଓ ତମାଣ୍ଡୋ ଥାନାର ଅଭିଯୁକ୍ତ ହେଲା, ପାତ୍ରପଡ଼ା ମଲ୍ଲିକ ସାହିର ସୁମନ୍ତ କୁମାର ମଲ୍ଲିକ । ଆଜି ଦୁହିଙ୍କୁ କୋର୍ଟ ଚାଲାଣ କରାଯାଇଛି ।
ସୂଚନାଯୋଗ୍ୟଯେ, ଗତକାଲି ଏକ ସିମେଣ୍ଟ ବୋଝେଇ ଟ୍ରକରେ ସୋଇଥିବା ବେଳେ ତାଙ୍କ ମୋବାଇଲକୁ ଲୁଟେରା ଚୋରି କରି ଫେରାର ହୋଇଯାଇଥିଲା । ଏନେଇ ଅଭିଯୋଗକାରୀ ଡ୍ରାଇଭର ଜଣଙ୍କ ତମାଣ୍ଡୋ ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ଆଜି ଲୁଟେରାକୁ ଗିରଫ କରିବା ସହ ତାଠାରୁ ଏକ ମୋବାଇଲ ଜବତ କରିଛି । ସେହିଭଳି ଘରେ ଶୋଇଥିବା ବେଳେ ଘରୁ ମୋବାଇଲ ଲୁଟ୍ ହୋଇଥିବା ନେଇ ଭରତପୁର ଥାନାରେ ଅଭିଯୋଗକାରିଣୀ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ଆଜି ଲୁଟେରାକୁ ଗିରଫ କରିବା ସହ ତାଠାରୁ ଏକ ମୋବାଇଲ ଜବତ କରାଯାଇଛି ।
