ପ୍ରାକ୍ତନ ବିଜେପି ମଣ୍ଡଳ ସଭାପତିଙ୍କ ପରଲୋକ
Rasmita Behera
କୋରେଇ,:ରବିବାର କୋରେଇ ନିର୍ବାଚନ ମଣ୍ଡଳୀ ବୈତରଣୀ ମଣ୍ଡଳ ପ୍ରାକ୍ତନ ସଭାପତି କାର୍ତ୍ତିକ ଚନ୍ଦ୍ର ସାହୁ(୫୬)ଙ୍କ ହୃଦଘାତରେ ପରଲୋକ ଘଟିଛି । ଗୌରପୁର ପଞ୍ଚାୟତ ବରପାଟଣା ଗ୍ରାମର ସ୍ୱର୍ଗତ କାର୍ତ୍ତିକ ଜଣେ ପରଉପକାରୀ ମଣିଷ ଭାବେ ପରିଚିତ ଥିଲେ । ଏକ ଦୁୁଗ୍ଧ କମ୍ପାନୀରେ ମାର୍କେଟିଂ ପରିଚାଳକ ଭାବେ କାର୍ଯ୍ୟ କରୁଥିବା କାର୍ତ୍ତିକ ଅସୁସ୍ଥ ହୋଇପଡ଼ିବା ପରେ ପରିବାର ଲୋକେ ତାଙ୍କୁ ମେଡ଼ିକାଲରେ ଭର୍ତ୍ତି କରିଥିଲେ । ହେଲେ ଡାକ୍ତର ତାଙ୍କ ମୃତ ଘୋଷଣା କରିଥିଲେ । ତାଙ୍କ ପରଲୋକ ଖବରପାଇ ପ୍ରାକ୍ତନ ବିଧାୟିକା ସଂଚିତା ମହାନ୍ତି ତାଙ୍କ ବାସଭବନରେ ପହଁଚି ଶେଷ ଦର୍ଶନ କରିବା ସହ ପରିବାର ଲୋକଙ୍କୁ ସ୍ୱାନ୍ତନା ଦେଇଥିଲେ । ଅନ୍ୟମାନଙ୍କ ମଧ୍ୟରେ ବିଜେପି ନେତା ପ୍ରସନ୍ନ ସାମଲ, ରବିନାରାୟଣ ରାଉତ, ପ୍ରଶାନ୍ତ ମଲ୍ଲିକ, ଅମୂଲ୍ୟ ଦାସ, କଳ୍ପତରୁ ସାହୁ, ପଦ୍ମଲୋଚନ ମଲ୍ଲିକ, ରଶ୍ମିତା ସାହୁ, ବିପିନ ସାହା, ସୁରେନ୍ଦ୍ର ମଲ୍ଲ, ଚନ୍ଦ୍ରମଣି ସାହୁ, ମଦନ ପଳେଇ, ଉଦୟ ସାହୁ, ଗୟାଧର ମଲ୍ଲିକ, ଅଲେଖ ଦାସ, ମନୁଆ ଦାସ ପ୍ରମୁଖ ବହୁ କାର୍ଯ୍ୟକର୍ତ୍ତା ଶେଷ ଦର୍ଶନ କରିଥିଲେ । ମୃତୁ୍ୟ ଶଯ୍ୟା ନିକଟରେ ମାଆ,ଭାଇ, ପତ୍ନୀ, ପୁଅ ଏବଂ ପରିବାର ଲୋକେ ଉପସ୍ଥିତ ଥିଲେ ।
