ବଜ୍ରପାତରେ ଚାଷୀ ମୃତ
Henamanjaree Swain
4519
ଭୁବନେଶ୍ୱର : ବିଲରେ ମୁଗ ଉପାଡୁଥିବା ବେଳେ ବଜ୍ରପାତ ହେବାରୁ ଜଣେ ଚାଷୀଙ୍କର ମୃତ୍ୟୁ ଘଟିଛି । ପୁରୀ ଜିଲ୍ଲା ବଳଙ୍ଗା ଥାନା ଅନ୍ତର୍ଗତ କେତକୀପାଟଣା ପଞ୍ଚାୟତ ଅଧୀନ ପଦ୍ମପୁର ଗ୍ରାମରେ ଏଭଳି ଅଘଟଣ ଘଟିଛି । ମୃତକଙ୍କ ନାମ ଦୀପ୍ତି ରଞ୍ଜନ ବାରିକ । ଅପରପକ୍ଷରେ ମୃତକଙ୍କ ବଡ଼ଭାଇ ଆହତ ହୋଇଥିବାବେଳେ ବାପା ଗୁରୁତର ହୋଇଛନ୍ତି । ପ୍ରକାଶଯେ, କେତକୀପାଟଣା ପଞ୍ଚାୟତ ଅଧୀନ ପଦ୍ମପୁର ଗ୍ରାମର କାଶୀନାଥ ବାରିକ ନିଜର ୨ ପୁଅଙ୍କୁ ନେଇ ବିଲରେ କାମ କରୁଥିଲେ । ସେମାନେ ବିଲରେ ମୁଗ ଉପାଡି ଗଦା କରୁଥିବା ବେଳେ ବଜ୍ରପାତ ହୋଇଥିଲା । ଘଟଣାସ୍ଥଳରେ ତିନି ଜଣ ଚେତାଶୂନ୍ୟ ହୋଇପଡ଼ିଥିଲେ । ସ୍ଥାନୀୟ ଲୋକମାନେ ତୁରନ୍ତ ସେମାନଙ୍କୁ ଉଦ୍ଧାର କରି ସାକ୍ଷୀଗୋପାଳ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିଲେ । ସେଠାରେ ଦୀପ୍ତି ରଞ୍ଜନ ବାରିକଙ୍କୁ ଡାକ୍ତର ମୃତ ଘୋଷଣା କରିଥିଲେ । ବାପା କାଶୀନାଥ ବାରିକ ଓ ବଡ଼ପୁଅ ଗୁରୁତର ଅବସ୍ଥାରେ ସାକ୍ଷୀଗୋପାଳ ମେଡିକାଲରେ ଚିକିତ୍ସିତ ହେଉଛନ୍ତି ।
