ବାଇକ୍ ଧକ୍କାରେ ହରିଣ ଗୁରୁତର
Rasmita Behera
ହିଞ୍ଜିଳିକାଟୁ : କିଛି ଦିନ ତଳେ ହିଞ୍ଜିଳିକାଟୁ ବନ ବିଭାଗ ନନ୍ଦିକ ବିଟ୍ ଅଧୀନ ସାହାପୁର ଗ୍ରାମ ରାସ୍ତାରେ ସନ୍ଧ୍ୟା ସମୟରେ ହରିଣ ରାସ୍ତା ପାର ହେଉଥିବା ବେଳେ ଏକ ବାଇକ୍ ଧକ୍କାରେ ଗୁରୁତର ଆହତ ହୋଇଥିଲା । ଘଟଣା ପରେ ଗ୍ରାମବାସୀଙ୍କ ସମେତ ହିଞ୍ଜିଳିକାଟୁର କିଛି ଗଣମାଧ୍ୟମ ପ୍ରତିନିଧି ସ୍ଥାନୀୟ ବନପାଳ ଘରମଣି ପାଣିଗ୍ରାହିଙ୍କୁ ଖବର ଜଣାଇଥିଲେ । ଖବର ପାଇ ବନପାଳ କିଛି କର୍ମଚାରୀଙ୍କୁ ଘଟଣା ସ୍ଥଳକୁ ପଠାଇଥିଲେ । ଗୁରୁତର ଅବସ୍ଥାରେ ପଡ଼ିଥିବା ହରିଣକୁ ସେମାନେ ସେଠାରୁ ଉଦ୍ଧାର କରି ହିଞ୍ଜିଳିକାଟୁ ପଶୁ ଚିକିସôାଳୟରେ ଭର୍ତ୍ତି କରିଥିଲେ । ସହକାରୀ ପଶୁ ଚିକିସôକ ଡାକ୍ତର ସିଦ୍ଧାନ୍ତ କୁମାର ସେଠ୍ ଆହତ ହରିଣର ତକôାଳ ଚିକିସôା ବ୍ୟବସ୍ଥା କରିଥିଲେ । ହରିଣକୁ ପ୍ରାଥମିକ ଚିକିସôା ପରେ ପ୍ରଥମେ ବନପାଳଙ୍କ ଆବାସିକ କାର୍ଯ୍ୟାଳୟ ତା'ପରେ ବୁଗୁଡ଼ାପଲ୍ଲୀ ଚାରା ଉତ୍ପାଦନ କେନ୍ଦ୍ରକୁ ସ୍ଥାନାନ୍ତର କରାଯାଇ ସମସ୍ତ ପ୍ରକାର ଚିକିସôା ବ୍ୟବସ୍ଥା କରାଯାଉଛି ବୋଲି ସେ ପ୍ରତିକ୍ରିୟା ପ୍ରକାଶ କରିଛନ୍ତି । ଦୁର୍ଘଟଣାରେ ହରିଣଟିର ମେରୁଦଣ୍ଡ ଆଘାତପ୍ରାପ୍ତ ହୋଇଛି । ତେବେ ଆହତ ହରିଣ ସମ୍ପର୍କରେ ବ୍ରହ୍ମପୁର ଡିଏଫ୍ଓଙ୍କୁ ମଧ୍ୟ ଅବଗତ କରଯାଇଛି ।
