ବିଦାୟକାଳୀନ ସମ୍ବର୍ଦ୍ଧନା
Editor
ାା ପ୍ରଭାନୁ୍ୟଜ ।ା ହିନେ୍ଦାଳ, : ଢେଙ୍କାନାଳ ଜିଲ୍ଲା ହିନେ୍ଦାଳ ବ୍ଲକ ମାଧପୁର ପଞ୍ଚାୟତ ଉଚ୍ଚ ବିଦ୍ୟାଳୟର ସଂସ୍କୃତ ଶିକ୍ଷକ ସୁବଳ ଚରଣ ମାହାପାତ୍ରଙ୍କ ବିଦାୟକାଳୀନ ସମ୍ବର୍ଦ୍ଧନା ଉତ୍ସବ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି । ପୁରାତନ ଛାତ୍ରଛାତ୍ରୀଙ୍କ ସମେତ ବର୍ତ୍ତମାନର ଛାତ୍ରଛାତ୍ରୀ ଏବଂ ଶିକ୍ଷକଶିକ୍ଷୟିତ୍ରୀ ଏହି ଉତ୍ସବରେ ଯୋଗ ଦେଇଥିଲେ । ଏହି କାର୍ଯ୍ୟକ୍ରମରେ ଅତିଥି ଭାବେ ମାଧପୁର ସରପଞ୍ଚ ବୀଣାପାଣି ନାଏକ, ବିଦ୍ୟାଳୟ ପରିଚାଳନା କମିଟି ସଭାପତି ଦିଲ୍ଲିପ ଲେଙ୍କା, ପୂର୍ବତନ ସରପଞ୍ଚ ଭାଗିରଥି ବିଶ୍ୱାଳ, ସନ୍ତୋଷ କୁମାର ବିଶ୍ୱାଳ, ସମିତି ସଭ୍ୟା ମଞ୍ଜୁଳା ସାହୁ, ପ୍ରଧାନ ଶିକ୍ଷକ ନିକୁଞ୍ଜ କୁମାର ସାହୁ, ରମେଶ ବେହେରା, ଜିତେନ୍ଦ୍ର କୁମାର ପ୍ରଧାନ, ଅରୁଣ କୁମାର ନନ୍ଦ, ପ୍ରଦିପ କୁମାର ସାହୁ, ସବିତା ପତି ପ୍ରମୁଖ ମଞ୍ଚାସୀନ ହୋଇଥିଲେ । ମଞ୍ଚାସୀନ ଅତିଥିମାନଙ୍କୁ ପୁଷ୍ପଗୁଚ୍ଛ ଏବଂ ଉତ୍ତରୀୟ ପ୍ରଦାନ କରିଥିଲେ ବିଦ୍ୟାଳୟର ଛାତ୍ରଛାତ୍ରୀମାନେ । ପ୍ରଥମେ ଅତିଥିମାନଙ୍କ ଦ୍ୱାରା ପ୍ରଦୀପ ପ୍ରଜ୍ୱଳନ କରାଯାଇ କାର୍ଯ୍ୟକ୍ରମର ଶୁଭାରମ୍ଭ କରାଯାଇଥିଲା । ଶ୍ରୀଯୁକ୍ତ ମହାପାତ୍ର ମାଧପୁର ପଞ୍ଚାୟତ ଉଚ୍ଚ ବିଦ୍ୟାଳୟରେ ୧୬/୧୨/୧୯୯୬ ଠାରୁ ୩୧/୦୫/୨୪ ପର୍ଯ୍ୟନ୍ତ ଦୀର୍ଘ ୨୮ବର୍ଷ ଶିକ୍ଷାଦାନ କରି ଛାତ୍ରଛାତ୍ରୀ ଏବଂ ଗ୍ରାମବାସୀମାନଙ୍କ ପ୍ରିୟଭାଜନ ହୋଇଛନ୍ତି । ତେବେ ଶିକ୍ଷକ ସୁବଳ ଚରଣ ମହାପାତ୍ରଙ୍କୁ ଅତିଥିବୃନ୍ଦ ପୁଷ୍ପଗୁଚ୍ଛ, ମାନପତ୍ର ସହ ଉତ୍ତରୀୟ ପ୍ରଦାନ କରି ସମ୍ବର୍ଦ୍ଧିତ କରିବା ସହ ତାଙ୍କର ଆଗାମୀ ଜୀବନ ସୁସ୍ଥ ଓ ନିରାମୟ କାମନା କରିଥିଲେ । ଏହି ଅବସରରେ ଛାତ୍ରଛାତ୍ରୀମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ । କାର୍ଯ୍ୟକ୍ରମକୁ ମରୁତ କୁମାର ସାହୁ, ଶତୃଘ୍ନ ବେହେରା ଏବଂ ପ୍ରଦୁ୍ୟତ କୁମାର ପ୍ରମୁଖ ପରିଚାଳନା କରିଥିଲେ । ପରିଶେଷରେ ଶିକ୍ଷକ ଶ୍ରୀଯୁକ୍ତ ମହାପାତ୍ରଙ୍କୁ ଛାତ୍ରଛାତ୍ରୀମାନେ ପଟୁଆରରେ ଗ୍ରାମ ପରିକ୍ରମା କରାଇଥିଲେ ।
