ବେଦାନ୍ତର "ବାର୍ଷିକ ଖଣି ସୁରକ୍ଷା ପକ୍ଷ' ପାଳିତ

 ଭୁବନେଶ୍ୱର:  ନିରାପଦ ଖଣି ଖନନ କାର୍ଯ୍ୟ ପ୍ରତି ଏହାର ଅତୁଟ ପ୍ରତିବଦ୍ଧତାକୁ ସୁଦୃଢ଼ କରି ଭାରତର ସର୍ବବୃହତ ଆଲୁମିନିୟମ ଉତ୍ପାଦନକାରୀ ବେଦାନ୍ତ ଏହାର ବାର୍ଷିକ ଖଣି ସୁରକ୍ଷା ପକ୍ଷ (ଏଏମ୍ଏସ୍ଏଫ୍) ର ସଦ୍ୟତମ ସଂସ୍କରଣ ଓଡ଼ିଶାର ସୁନ୍ଦରଗଡ଼ ଜିଲ୍ଲାର ଜାମକାନି କୋଇଲା ଖଣିରେ ଆୟୋଜନ କରିଛି । ଖଣି ସୁରକ୍ଷା ମହାନିଦେ୍ର୍ଦଶାଳୟ (ଡିଜିଏମଏସ) ସହଯୋଗରେ ଆୟୋଜିତ ଏହି ଦୁଇ ସପ୍ତାହ ବ୍ୟାପୀ କାର୍ଯ୍ୟକ୍ରମରେ ୫୦୦ରୁ ଅଧିକ କର୍ମଚାରୀ ଏବଂ ବ୍ୟବସାୟିକ ଅଂଶୀଦାରଙ୍କ ଅଂଶଗ୍ରହଣ ଦେଖିବାକୁ ମିଳିଥିଲା । ଏହି କାର୍ଯ୍ୟକ୍ରମର ବିଷୟବସ୍ତୁ "ଆପକା ପରିବାର ଆପକୋ ଇନ୍ତେଜାର କର ରହା ହୈ’ ଉପରେ କେନ୍ଦ୍ରିତ ଥିବାବେଳେ, ଏହା ଦୁର୍ଘଟଣାକୁ ରୋକିବା ଏବଂ କର୍ମଚାରୀଙ୍କ କଲ୍ୟାଣ ସୁନିଶ୍ଚିତ କରିବା ପାଇଁ ସୁରକ୍ଷା ପ୍ରୋଟୋକଲର ଗୁରୁତ୍ୱପୂର୍ଣ୍ଣ ଦିଗ ଉପରେ ଗୁରୁତ୍ୱ ଦିଆଯାଇଥିଲା । ଏହି ଅବସରରେ ଭୁବନେଶ୍ୱର ସ୍ଥିତ ଡିଜିଏମସ୍ର ଖଣି ସୁରକ୍ଷା ନିଦେ୍ର୍ଦଶକ ପ୍ରଫୁଲ୍ଲ ରଞ୍ଜନ ଠାକୁର କହିଥିଲେ ଯେ, ବାର୍ଷିକ ଖଣି ସୁରକ୍ଷା ପକ୍ଷ କାର୍ଯ୍ୟକ୍ରମ ସଫଳତାର ସହ ଆୟୋଜନ କରିଥିବାରୁ ମୁଁ ବେଦାନ୍ତ ଆଲୁମିନିୟମର ଜାମକାନି କୋଇଲା ଖଣି ଦଳକୁ ଅଭିନନ୍ଦନ ଜଣାଉଛି । ସେହିପରି ବେଦାନ୍ତ ଆଲୁମିନିୟମର ସୁରକ୍ଷା-ପ୍ରଥମ ସଂସ୍କୃତି ଉପରେ ଆଲୋକପାତ କରି, ସିଇଓ ଡେଭିଡ ଷ୍ଟୋନ କହିଛନ୍ତି ଯେ, ଏକ ସଂସ୍ଥା ଭାବରେ, ସୁରକ୍ଷା ଆମର ମୂଳ ମୂଲ୍ୟବୋଧର ଏକ ଅବିଚ୍ଛେଦ୍ୟ ଅଙ୍ଗ ହୋଇଛି, ଏବଂ କାର୍ଯ୍ୟକ୍ଷେତ୍ରରେ ଶୂନ୍ୟ-କ୍ଷତି ପରିବେଶ ସୁନିଶ୍ଚିତ କରିବା ଆମର ପ୍ରମୁଖ ଉଦେ୍ଦଶ୍ୟ । ଗୋଟିଏ ପକ୍ଷ ଧରି ବେଦାନ୍ତ ଆଲୁମିନିୟମର ଖଣି ଟିମ୍ ନିୟମିତ କର୍ମଶାଳା ମାଧ୍ୟମରେ ଏହାର କର୍ମଚାରୀ, ସେମାନଙ୍କ ପରିବାର ଏବଂ ସ୍ଥାନୀୟ ସମ୍ପ୍ରଦାୟ ମଧ୍ୟରେ ସୁରକ୍ଷା ବିଷୟରେ ସକ୍ରିୟ ଭାବରେ ସଚେତନତା ସୃଷ୍ଟି କରିଥିଲେ । ଏଥିରେ ପ୍ରତିରକ୍ଷା ମକ୍ ଡ୍ରିଲ୍, ଅଗ୍ନି ନିରାପତ୍ତା ଅଧିବେଶନ, ପ୍ରାଥମିକ ଚିକିସôା ତାଲିମ କାର୍ଯ୍ୟକ୍ରମ ଏବଂ ସଡ଼କ ସୁରକ୍ଷା ସଚେତନତା ଅଭିଯାନ ଅନ୍ତର୍ଭୁକ୍ତ । ଏହି ପଦକ୍ଷେପର ଏକ ପ୍ରମୁଖ ଆକର୍ଷଣ ଥିଲା ୧୦ ଜଣ ବିଶେଷଜ୍ଞଙ୍କ ଏକ ବାହ୍ୟ ଏଏମ୍ଏସ୍ଏଫ୍ ଦଳ ଦ୍ୱାରା କରାଯାଇଥିବା ସୁରକ୍ଷା ଯାଞ୍ଚ, ଯେଉଁଥିରେ ଜଣେ ଆଭ୍ୟନ୍ତରୀଣ ସୁରକ୍ଷା ସଂଗଠନ (ଆଇଏସ୍ଓ) ପର୍ଯ୍ୟବେକ୍ଷକ ଏବଂ ମହାନଦୀ କୋଲଫିଲ୍ଡସ୍ ଲିମିଟେଡ୍ (ଏମସିଏଲ୍)ର ବରିଷ୍ଠ ଅଧିକାରୀମାନେ ସାମିଲ ଥିଲେ ।