ବ୍ରାଉନ୍ସୁଗର ଜବତ ଜଣେ ଗିରଫ, ୨ ଫେରାର
Rasmita Behera
5291
ଜଗତସିଂହପୁର: ମଙ୍ଗଳବାର ଜଗତସିଂହପୁର ସଦର ଥାନା ଅନ୍ତର୍ଗତ ଚାଟ୍ର ହାଟବଜାର ସ୍ଥିତ ଚିଲଡ୍ରେନ୍ ପାର୍କରେ ୩ଜଣ ଯୁବକ ବ୍ରାଉନସୁଗାର ବ୍ୟବସାୟ କରୁଥିବା ବେଳେ ସଦର ପୁଲିସ ଅଚାନକ ଚଢାଉ କରିଥିଲା । ପୁଲିସ ଘଟଣାସ୍ଥଳରୁ ୩ଜଣ ଯୁବକଙ୍କ ମଧ୍ୟରୁ ଜଣଙ୍କୁ ଗିରଫ କରିଥିବା ବେଳେ ଅନ୍ୟ ୨ଜଣ ଘଟଣା ସ୍ଥଳରୁ ଫେରାର ହୋଇ ଯାଇଥିଲେ । ତେବେ ଗିରଫ ଯୁବକ ଜଣଙ୍କ ସ୍ଥାନୀୟ ଚାଟ୍ରା ଗ୍ରାମର ଲକ୍ଷ୍ମୀଧର ବିଶୋଇଙ୍କ ପୁଅ ହାପି ଓରଫ୍ ଶୋମେଶ ବିଶୋଇ (୩୦) ବୋଲି ଜଣାପଡ଼ିଛି । ତା’ନିକଟରୁ ୯.୬୫ ଗ୍ରାମ ବ୍ରାଉନସୁଗାର୍ ସହିତ ନଗଦ ୫ ହଜାର ୮୨୦ ଟଙ୍କା ଜବତ କରାଯାଇଛି । ଏହାସହ ବ୍ୟବସାୟରେ ବ୍ୟବହାର ହେଉଥିବା ଓଡି ୩୪ ଏଲ୍ -୬୩୫୮ ନମ୍ବର ବିଶିଷ୍ଟ ଗୋଟିଏ ବାଇକ୍, ଗୋଟିଏ ମୋବାଇଲ ଫୋନ୍ ଜବତ କରିଛି ପୁଲିସ । ଫେରାର ହୋଇଥିବା ୨ଜଣ ହେଲେ ସ୍ଥାନୀୟ ପାଣିସାଳିଆ ଗ୍ରାମର ବାବୁନା ବିଶ୍ୱାଳ ଓ ଜୟବଡ ଗ୍ରାମର ପିଣ୍ଟୁ ଓରଫ୍ ରଞ୍ଜିତ ମହାନ୍ତି ବୋଲି ଏସ୍ପି ଭବାନୀ ଶଙ୍କର ଉଦଗାତା ସୂଚନା ଦେଇଛନ୍ତି ।
