ଭାରତ-ପାକିସ୍ତାନ ଯୁଦ୍ଧବିରତି ଭାଙ୍ଗିଯିବ!

ଭାରତ ଏବଂ ପାକିସ୍ତାନ ମଧ୍ୟରେ ଯୁଦ୍ଧବିରତି ସମ୍ପର୍କରେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଅନେକ ଦାବି କରିଛନ୍ତି। ଟ୍ରମ୍ପ କହିଥିଲେ ଯେ ସେ ଯୁଦ୍ଧବିରତିରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି। ଏବେ ଟ୍ରମ୍ପ ପ୍ରଶାସନ କୋର୍ଟରେ ସମାନ ଦାବି କରିଛି। ଟ୍ରମ୍ପ ପ୍ରଶାସନ ତାର ଶୁଳ୍କ ସମ୍ବନ୍ଧୀୟ ମାମଲାକୁ ରକ୍ଷା କରିବା ପାଇଁ ଯୁଦ୍ଧବିରତିର ଆଶ୍ରୟ ନେଇଛି। ପ୍ରଶାସନ ଆମେରିକାର ଅନ୍ତର୍ଜାତୀୟ ବାଣିଜ୍ୟ ଅଦାଲତରେ ଦାବି କରିଛି ଯେ ଯଦି ଶୁଳ୍କ ସମ୍ବନ୍ଧୀୟ ନିୟମ ପାଳନ ନ କରାଯାଏ, ତେବେ ଯୁଦ୍ଧବିରତି ଭାଙ୍ଗିପାରେ।

ଏକ ରିପୋର୍ଟ ଅନୁଯାୟୀ, ଟ୍ରମ୍ପ ପ୍ରଶାସନ କୋର୍ଟରେ ତାର ଶୁଳ୍କ ନିଷ୍ପତ୍ତିକୁ ରକ୍ଷା କରିବା ପାଇଁ ଭାରତ-ପାକିସ୍ତାନ ଯୁଦ୍ଧବିରତିର ଆଶ୍ରୟ ନେଇଛି। ପ୍ରଶାସନ କହିଛି ଯେ ଭାରତ ଏବଂ ପାକିସ୍ତାନ ମଧ୍ୟରେ ମାମଲାକୁ ଶାନ୍ତ କରିବା ପାଇଁ ଶୁଳ୍କ ଶକ୍ତି ବ୍ୟବହାର କରାଯାଇଥିଲା। ଆମେରିକାର ବାଣିଜ୍ୟ ସଚିବ ହାୱାର୍ଡ ଲୁଟନିକ ୨୩ ମଇ, ୨୦୨୫ରେ ନ୍ୟୁୟର୍କର ଆମେରିକାର ଅନ୍ତର୍ଜାତୀୟ ବାଣିଜ୍ୟ ଅଦାଲତରେ ଏକ ବିବୃତ୍ତି ଦାଖଲ କରି କହିଥିଲେ, “ରାଷ୍ଟ୍ରପତି ଟ୍ରମ୍ପ ଭାରତ ଏବଂ ପାକିସ୍ତାନ ମଧ୍ୟରେ ଯୁଦ୍ଧବିରତି ଆଣିବା ପାଇଁ ତାଙ୍କର ଶୁଳ୍କ ସମ୍ବନ୍ଧୀୟ ଅଧିକାର ବ୍ୟବହାର କରିଥିଲେ।”

ଆମେରିକାର ରାଷ୍ଟ୍ରପତି ଟ୍ରମ୍ପ ଅନେକ ଥର ଦାବି କରିଛନ୍ତି ଯେ ସେ ଏକ ବାଣିଜ୍ୟ ଚୁକ୍ତି ମାଧ୍ୟମରେ ଭାରତ ଏବଂ ପାକିସ୍ତାନ ମଧ୍ୟରେ ସାମ୍ପ୍ରତିକ ସାମରିକ ଉତ୍ତେଜନାର ସମାଧାନ କରିଛନ୍ତି। ଟ୍ରମ୍ପ ଅନେକ ସ୍ଥାନରେ ଏହାର ଶ୍ରେୟ ନେଇଛନ୍ତି। ଅପରେସନ ସିନ୍ଦୂର ପରେ ଭାରତ ପାକିସ୍ତାନ ବିରୁଦ୍ଧରେ ପ୍ରତିଶୋଧମୂଳକ କାର୍ଯ୍ୟାନୁଷ୍ଠାନ ଆରମ୍ଭ କରିଥିଲା। ପାକିସ୍ତାନ ଡ୍ରୋନ ଏବଂ କ୍ଷେପଣାସ୍ତ୍ର ମାଧ୍ୟମରେ ଭାରତର ଅନେକ ସହରକୁ ଟାର୍ଗେଟ କରିବାକୁ ଚେଷ୍ଟା କରିଥିଲା, କିନ୍ତୁ ସେନାର ଦୃଢ଼ ବାୟୁ ପ୍ରତିରକ୍ଷା ବ୍ୟବସ୍ଥା ପ୍ରତ୍ୟେକ ଆକ୍ରମଣକୁ ବିଫଳ କରିଥିଲା। ଟ୍ରମ୍ଫଙ୍କ ଦ୍ୱାରା ଶୁଳ୍କ ସମ୍ପର୍କରେ ତିଆରି ନିୟମ ବିଷୟରେ ବହୁତ ଆଲୋଚନା ହୋଇଛି। ଆମେରିକା ଚୀନ ସମେତ ଅନେକ ଦେଶ ଉପରେ ଭାରୀ ଶୁଳ୍କ ଲଗାଇଥିଲା। ଏହାର ଜବାବରେ ଚୀନ ମଧ୍ୟ ଆମେରିକା ଉପରେ ଶୁଳ୍କ ଲଗାଇଥିଲା। ଆମେରିକା ଭାରତ ପାଇଁ ଶୁଳ୍କ ସମ୍ପର୍କରେ ମଧ୍ୟ ନିୟମ ତିଆରି କରିଛି।