ଭାରତ-ପାକ୍ ମ୍ୟାଚ୍ ବୟକଟ ଦାବି : ରକ୍ତ ଓ କ୍ରିକେଟ ଏକାଠି ପ୍ରବାହିତ ହେବ କିପରି?

 ନୂଆଦିଲ୍ଲୀ: ପହଲଗାମ ଆତଙ୍କବାଦୀ ଆକ୍ରମଣ ଓ ଅପରେସନ ସିନ୍ଦୂର ପରେ ପ୍ରଥମ ଥର ପାଇଁ କ୍ରିକେଟ ମ୍ୟାଚ ଖେଳିବାକୁ ଯାଉଛନ୍ତି ଭାରତ ଓ ପାକିସ୍ତାନ । ଆସନ୍ତାକାଲି ଦୁବାଇରେ ଏସିଆ କପର ଏକ ମ୍ୟାଚ ଭାରତ ଓ ପାକିସ୍ତାନ ମଧ୍ୟରେ ଖେଳା ଯିବ । ତେବେ ଏନେଇ ଦେଶରେ ବିରୋଧାଭାସ ଦେଖା ଦେଇଛି । ପହଲଗାମ ଗଣହତ୍ୟା ପୀଡିତଙ୍କ ମଧ୍ୟରେ ଜଣେ କମ ବୟସ୍କା ବିଧବା ଐଶାନ୍ୟ ଦ୍ୱିବେଦୀ  ଭାରତ-ପାକିସ୍ତାନ ମ୍ୟାଚ୍ ନେଇ କଡ଼ା ପ୍ରତିକ୍ରିୟା ଦେଇଛନ୍ତି । ସେ ଏହାକୁ ଦୃଢ ଭାବରେ ନିନ୍ଦା କରିବା ସହ ସମ୍ପୃକ୍ତ ସମସ୍ତ ଅଂଶୀଦାରଙ୍କୁ ମ୍ୟାଚ୍ ବର୍ଜନ କରିବାକୁ ଅନୁରୋଧ କରିଛନ୍ତି ।
ଭାରତୀୟ କ୍ରିକେଟ୍ ନିୟନ୍ତ୍ରଣ ବୋର୍ଡ (ବିସିସିଆଇ) ପାକିସ୍ତାନ ବିପକ୍ଷରେ ଖେଳିବାକୁ ରାଜି ହୋଇଥିବାରୁ ଏହାକୁ ସେ ସମାଲୋଚନା କରିଛନ୍ତି । କାରଣ ପାକିସ୍ତାନକୁ ବିସିସିଆଇ ଏକ ଆତଙ୍କବାଦୀ ରାଷ୍ଟ୍ର ବୋଲି ବର୍ଣ୍ଣନା କରିଥିଲା । ପହଲଗାମ ଆତଙ୍କୀ ଆକ୍ରମଣରେ ପ୍ରାଣ ଦେଇଥିବା ୨୬ ଜଣଙ୍କ ବଳିଦାନକୁ ବିସିସିଆଇ ଅଣଦେଖା କରୁଥିବା ସେ ଅଭିଯୋଗ କରିଛନ୍ତି । ବିସିସିଆଇ ଭାରତ ଓ ପାକିସ୍ତାନ ମଧ୍ୟରେ ମ୍ୟାଚ୍ ଗ୍ରହଣ କରିବା ଉଚିତ୍ ନୁହେଁ । ମୁଁ ଭାବୁଛି ବିସିସିଆଇ ସେହି ୨୬ ପରିବାର ପ୍ରତି କୌଣସି ଭାବପ୍ରବଣତା ନୁହେଁ । ଆମର କ୍ରିକେଟରମାନେ କ'ଣ କରୁଛନ୍ତି? କ୍ରିକେଟରମାନଙ୍କୁ ଜାତୀୟତାବାଦୀ କୁହାଯାଏ । ଏହାକୁ ଆମର ଜାତୀୟ ଖେଳ ଭାବରେ ଦେଖାଯାଏ । ୧-୨ ଜଣ କ୍ରିକେଟ ଖେଳାଳିଙ୍କୁ ଛାଡି ଦେଲେ କେହି ଆଗକୁ ଆସି କହିଲେ ନାହିଁ ଯେ ଆମେ ପାକିସ୍ତାନ ବିପକ୍ଷ ମ୍ୟାଚ୍ ବର୍ଜନ କରିବା ଉଚିତ । ବିସିସିଆଇ ସେମାନଙ୍କୁ ବନ୍ଧୁକ ମୁନରେ ଖେଳିବାକୁ ବାଧ୍ୟ କରିପାରିବ ନାହିଁ । ସେମାନେ ନିଜ ଦେଶ ପାଇଁ ଏକ ପକ୍ଷ ରଖିବା ଉଚିତ । କିନ୍ତୁ ସେମାନେ ଏହା କରୁନାହାଁନ୍ତି ବୋଲି  କାନପୁରରେ ଗଣମାଧ୍ୟମ ପ୍ରତିନିଧିଙ୍କ ସହ ଆଲୋଚନା ସମୟରେ ଏହା କହିଛନ୍ତି ଐଶାନ୍ୟ । ଐଶାନ୍ୟ ପ୍ରାୟୋଜକ ଓ ପ୍ରସାରକମାନଙ୍କୁ ପଚାରିବାକୁ ଚେଷ୍ଟା କରିଥିଲେ ଯେ ସେହି ୨୬ ପରିବାରର ଜାତୀୟତା କଣ ସରିଯାଇଛି କି? ମ୍ୟାଚ୍ରୁ ଆଦାୟ ରାଜସ୍ୱ କ'ଣ ପାଇଁ ବ୍ୟବହାର କରାଯିବ? ପାକିସ୍ତାନ ଏହାକୁ କେବଳ ଆତଙ୍କବାଦ ପାଇଁ ବ୍ୟବହାର କରିବ । ଏହା ଏକ ଆତଙ୍କବାଦୀ ରାଷ୍ଟ୍ର । ତୁମେ ସେମାନଙ୍କୁ ରାଜସ୍ୱ ଯୋଗାଇବ ଓ ପୁଣି ଥରେ ସେମାନେ ଆମ ଉପରେ ଆକ୍ରମଣ କରିବାକୁ ପ୍ରସ୍ତୁତ କରିବେ । ମୁଁ ଏହା ବୁଝିପାରୁନାହିଁ ବୋଲି ଲାଲ ଆଖିରେ ଐଶାନ୍ୟ କହିଛନ୍ତି । ତେଣୁ ସେ ଦେଶବ୍ୟାପୀ ଏହି ମ୍ୟାଜ ବର୍ଜନ ପାଇଁ ଆହ୍ୱାନ କରିଛନ୍ତି । ସେ ପ୍ରଶଂସକମାନଙ୍କୁ ଟିଭି ବନ୍ଦ ରଖିବା ସହ  ମ୍ୟାଚ୍ ବର୍ଜନ କରିବାକୁ ଅନୁରୋଧ କରିଛନ୍ତି । ଖାଲି ଐଶାନ୍ୟ ନୁହଁନ୍ତି, ଦେଶର ସାଧାରଣ ଜନତାଙ୍କ ଠୁ ଆରମ୍ଭ କରି ରାଜନେତା, ଅଭିନେତା ଓ ଭେଟରାନମାନେ ମଧ୍ୟ ଏହି ମ୍ୟାଚକୁ ନେଇ ଗଭୀର ଉଦବେଗ ପ୍ରକାଶ କରିଛନ୍ତି । ଏଆଇଏମଆଇଏମ ଓ ଶିବସେନା(ୟୁବିଟି) ସମେତ ବିରୋଧୀ ଦଳ ଗୁଡିକ ବିଜେପିକୁ ସମାଲୋଚନା କରିଛନ୍ତି । ଶିବସେନା (ୟୁବିଟି) ନେତା ଆଦିତ୍ୟ ଠାକରେ ପଚାରିଥିଲେ ଯେ "ରକ୍ତ ଓ କ୍ରିକେଟ୍ ଏକାଠି ପ୍ରବାହିତ ହୋଇପାରିବ କି?’ । ଏହି ସମୟରେ ସୁପ୍ରିମକୋର୍ଟ ଗୁରୁବାର ଦିନ ଆସନ୍ତାକାଲି ଦୁବାଇରେ ଭାରତ ଓ ପାକିସ୍ତାନ ମଧ୍ୟରେ ହେବାକୁ ଥିବା କ୍ରିକେଟ୍ ମ୍ୟାଚ୍ ଉପରେ ମଧ୍ୟବର୍ତ୍ତୀକାଳୀନ ସ୍ଥଗିତାଦେଶ ପାଇଁ ଏକ ଆବେଦନକୁ ତୁରନ୍ତ ତାଲିକାଭୁକ୍ତ କରିବା ପାଇଁ ଏକ ଅନୁରୋଧକୁ ଗ୍ରହଣ କରିବାକୁ ମନା କରିଦେଇଛନ୍ତି । ..