ଚୋରା ମୋବାଇଲ ବିକ୍ରି ବେଳେ ୨ଲୁଟେରା ଗିରଫ
Jitendra Sahu
ଭୁବନେଶ୍ୱର, ୨୨ା୪ : କିଛି ଚୋରା ମୋବାଇଲକୁ ୨ ଜଣ ଲୁଟେରା ଇନ୍ଦ୍ରଧନୁ ମାର୍କେଟରେ ସସ୍ତାରେ ବିକ୍ରି କରୁଥବବା ବେଳେ ଖବର ପାଇ ଦୁଇ ଲୁଟେରାକୁ ଗିରଫ କରିଛି ନୟାପଲ୍ଲୀ ଥାନା ପେଟ୍ରୋଲିଂ ଟିମ । ଦୁଇ ଲୁଟେରାଙ୍କ ଠାରୁ ୫ଟି ମୋବାଇଲ ଓ ଏକ ନମ୍ବର ନଥବବା ବାଇକକୁ ଜବତ କରାଯାଇଛି । ଗିରଫ ୨ ଅଭିଯୁକ୍ତ ହେଲେ, ବରମୁଣ୍ଡା ଜଗନ୍ନାଥ ବିହାର ସାଇ ମନ୍ଦିର ଲେନ୍-୭ର ଚିତ୍ତ ରଞ୍ଜନ ସାହୁ ଓ ନନ୍ଦନକାନନ ଥାନା ଅଧିନ ଗନ୍ଦରପୁରର ଦୁଷ୍ମନ୍ତ ସୁବୁଦ୍ଧି । ସୋମବାର କୋର୍ଟ ଚାଲାଣ କରାଯାଇଛି ।
ସୂଚନାଯୋଗ୍ୟଯେ, ରବିବାର ସନ୍ଧ୍ୟାରେ ଦୁଇ ଜଣ ଲୁଟେରା କିଛି ଚୋରା ମୋବାଇଲ ଫୋନକୁ ଇନ୍ଦ୍ରଧନୁ ମାର୍କେଟରେ କିଛି ଲୋକଙ୍କୁ ସସ୍ଥାରେ ବିକ୍ରି କରୁଥିବା ନୟାପଲ୍ଲୀ ଥାନା ଅଧିକାରୀ ସତ୍ୟ ରଞ୍ଜନ ପ୍ରଧାନ ଜାଣିବାକୁ ପାଇଥିଲେ । ଖବର ପାଇ ସଙ୍ଗେ ସଙ୍ଗେ ଥାନାର ପେଟ୍ରୋଲିଂ ଟିମକୁ ପଠାଇ ଚଢ଼ାଉ କରିବା ସହ ଦୁଇ ଲୁଟେରାକୁ ଗିରଫ କରାଯାଇଛି । ତଲାସି ବେଳେ ସେମାନଙ୍କ ଠାରୁ ୫ଟି ଚୋରା ମୋବାଇଲ ଓ ଏକ ନମ୍ବର ବିହିନ ବାଇକକୁ ଜବତ କରାଯାଇଥିଲା । ପରେ ସେମାନଙ୍କ ଥାନାକୁ ଆଣି ଅଟକ ରଖାଯିବା ସହ ଆଜି ଥାନା କେସ ନମ୍ବର ୨୫୦ରେ ମାମଲା ରୁଜୁକରି ଦଫା ୩୭୯, ୪୧୧, ୩୪ ଆଇପିସି ଧାରାରେ କୋର୍ଟ ଚାଲାଣ କକରାଯାଇଛି ।
