ମାରୱାଡ଼ି ସଂଘ ପକ୍ଷରୁ ଆକାଶଙ୍କୁ ସମ୍ବର୍ଦ୍ଧନା
Rasmita Behera
ବ୍ୟାସନଗର: ବ୍ୟାସନଗର ପୌରପରିଷଦର ୧୩ ନଂ ୱାର୍ଡରେ ଅବସ୍ଥାପିତ ଶ୍ରୀ ସତ୍ୟନାରାୟଣ ମନ୍ଦିରର ଉନ୍ନତିକରଣ ନିମନ୍ତେ କୋରେଇ ବିଧାୟକ ଆକାଶ ଦାସନାୟକଙ୍କ ବିଧାୟକ ହାତ ପାଣ୍ଠିରୁ ୧୦ଲକ୍ଷ ଟଙ୍କା ଅର୍ଥ ମଞ୍ଜୁର କରିଛନ୍ତି । ବ୍ୟାସନଗର ସହରର ମାରୱାଡି ସଂପ୍ରଦାୟର ଜନସାଧାରଣ ଏହି ମନ୍ଦିରର ସଂପୂର୍ଣ୍ଣ ଦାୟିତ୍ୱ ବହନ କରିଥାନ୍ତି । ବର୍ଷକ ବାରମାସରେ ଅନୁଷ୍ଠିତ ପର୍ବପର୍ବାଣୀ ଏହି ମନ୍ଦିରରେ ମାରୱାଡି ସଂଘ ଆୟୋଜନ କରିଥାନ୍ତି । ମନ୍ଦିରର ଭିତିଭୂମିକୁ ସୁଦୃଢ ଏବଂ ସରସ ସୁନ୍ଦର କରିବା ଦିଗରେ ବିଧାୟକଙ୍କ ଏହା ଏକ ଉଲ୍ଲେଖନୀୟ ପଦକ୍ଷେପ ଅଟେ । ଏହି ପରିପ୍ରେକ୍ଷୀରେ ବ୍ୟାସନଗର ସହରର ମାରୱାଡି ସଂଘ ପରିବାର ତରଫରୁ ସଂଘର ମୁରବୀମାନେ ବିଧାୟକ ଆକାଶ ଦାସନାୟକଙ୍କୁ ମନ୍ଦିର ପ୍ରାଙ୍ଗଣରେ ସମ୍ବର୍ଦ୍ଧିତ କରିଥିଲେ । ବିଧାୟକଙ୍କ ସହିତ ବହୁତ ସମୟ ସଂଘ ପରିବାରର ମୁରବୀ ମନ୍ଦିର ଏବଂ ସହରର ଉନ୍ନତି ବିଷୟରେ ଆଲୋଚନା କରିଥିଲେ । କାର୍ଯ୍ୟକ୍ରମରେ ସତ୍ୟନାରାୟଣ ମହାନ୍ତି, ସଂଜୀବ ନାୟକ, ଗୌରୀଶଙ୍କର ଅଗ୍ରୱାଲ, ପୱନ ଓଶ୍ୱାଲ, ପୱନ ଖେମ୍କା, ପବିନ୍ ଓଶ୍ୱାଲ, ନରେଶ ଗୋଏଲ, ମନୋଜ ବୋଥ୍ରା, ମନୋଜ ଭରତିଆ, ସୁରେନ୍ଦ୍ର ଶର୍ମା, କିଶୋର ଅଗ୍ରୱାଲ, ଅଭିଶେକ ରାଠୀ, ବିପୁଲ କାବରା, ଗିରିରାଜ ଲଖୋଟିଆ, ବାଲମୁକୁନ୍ଦ ଗୁପ୍ତା ପ୍ରମୁଖ ଉପସ୍ଥିତ ଥିଲେ ।
