ମୁଁ ଦସ୍ତଖତ କରିବି ନାହିଁ: ରାହୁଲ
Rasmita Behera
ନୂଆଦିଲ୍ଲୀ : ନିର୍ବାଚନ କମିସନଙ୍କ ନୋଟିସ ଉପରେ କଂଗ୍ରେସ ସାଂସଦ ରାହୁଲ ଗାନ୍ଧି କହିଛନ୍ତି ଯେ ଏହା ନିର୍ବାଚନ କମିସନଙ୍କ ତଥ୍ୟ । ଏହା ମୋର ତଥ୍ୟ ନୁହେଁ ଯାହା ଉପରେ ମୁଁ ଦସ୍ତଖତ କରିବି । ସେହି ତଥ୍ୟକୁ ଆପଣଙ୍କ ୱେବସାଇଟରେ ରଖନ୍ତୁ ଏବଂ ଆପଣ ଜାଣିପାରିବେ । ଏସବୁ କେବଳ ପ୍ରସଙ୍ଗରୁ ଧ୍ୟାନ ହଟାଇବା ପାଇଁ । ଏହା କେବଳ କର୍ଣ୍ଣାଟକ ନୁହେଁ ବରଂ ଅନେକ ରାଜ୍ୟରେ ମଧ୍ୟ ଘଟିଛି । ରାହୁଲ ଆହୁରି କହିଛନ୍ତି ଯେ ଭାରତର ଗଣତନ୍ତ୍ରର ଅବସ୍ଥା ଦେଖନ୍ତୁ । ୩୦୦ ସାଂସଦ ନିର୍ବାଚନ କମିସନଙ୍କୁ ଭେଟି ଏକ ଦସ୍ତାବିଜ ଉପସ୍ଥାପନ କରିବାକୁ ଚାହୁଁଥିଲେ, କିନ୍ତୁ ସେମାନଙ୍କୁ ଏପରି କରିବାକୁ ଦିଆଯାଇ ନଥିଲା । ସେମାନେ ଭୟଭୀତ । ଯଦି ୩୦୦ ସାଂସଦ ଆସି ସେମାନଙ୍କର ସତ୍ୟ ପ୍ରକାଶ ପାଏ ତେବେ କ'ଣ ହେବ? ଏହି ଲଢେଇ ଆଉ ରାଜନୈତିକ ନୁହେଁ । ଏହି ଲଢେଇ ସମ୍ବିଧାନ ଏବଂ ଗୋଟିଏ ବ୍ୟକ୍ତି ଗୋଟିଏ ଭୋଟ ପାଇଁ । ଏହି ଲଢେଇ ଦେଶର ଆତ୍ମା ପାଇଁ । ରାହୁଲ ଅଭିଯୋଗ କରିଥିଲେ ଯେ କର୍ଣ୍ଣାଟକରେ ଭୋଟର ତାଲିକାରେ ଜାଲିଆତି ହୋଇଛି ଓ ଜଣେ ଜଣେ ଭୋଟର ଏକାଧିକ ଥର ଭୋଟ ଦେଇଛନ୍ତି । ଏହାର ଜବାବରେ ନିର୍ବାଚନ କମିସନ ରାହୁଲଙ୍କୁ ତଥ୍ୟ ମାଗିବା ସହ ସତ୍ୟପାଠ କରିବାକୁ କହିଥିଲେ ।
