ମୁଣ୍ଡ ବିହୀନ ଶବ ଉଦ୍ଧାର
Rasmita Behera
ଫୁଲବାଣୀ: କନ୍ଧମାଳ ଜିଲ୍ଲା ଟିକାବାଲି ଜଣେ ବ୍ୟକ୍ତିଙ୍କ ଥାନା ଅନ୍ତର୍ଗତ ବଡ଼ିମୁଣ୍ଡା ଅଞ୍ଚଳରୁ ଗୋଟିଏ ମୁଣ୍ଡ ବିହୀନ ଶବ ଉଦ୍ଧାର କରାଯାଇଛି । ମୃତକ ବଡ଼ିମୁଣ୍ଡା ବରସାହିର ପବିତ୍ର ପ୍ରଧାନ (୪୫) । ସେ ଆଜି ମଧ୍ୟାହ୍ଣ ପ୍ରାୟ ୧୨ଟା ବେଳେ ଛେଳି ଚରାଇବା ପାଇଁ ନିକଟସୁ ନଦୀକୂଳକୁ ଯାଇଥିଲେ । ସନ୍ଧ୍ୟା ପର୍ଯ୍ୟନ୍ତ ଘରକୁ ନ ଫେରିବାରୁ ଘରଲୋକ ଖୋଜାଖୋଜି କରିଥିଲେ । ଏହି ସମୟରେ ନଦୀ ପାଖ ଏକ ବିଲ ଭିତରେ ପବିତ୍ରଙ୍କ ମୁଣ୍ଡ ବିହୀନ ଶବ ପଡ଼ିଥିବା ଦେଖୁବାକୁ ମିଳିଥିଲା । ଟିକାବାଲି ଥାନାରେ ସୂଚନା ଦିଆଯିବା ପରେ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ବର୍ତ୍ତମାନ ସୁଦ୍ଧା ଏ ସମ୍ପର୍କରେ କୌଣସି ତଥ୍ୟ ମିଳିପାରି ନାହିଁ । ଗୁଣିଗାରେଡ଼ିକୁ ନେଇ ଏଭଳି ଘଟଣା ଘାଟି ଥାଇପାରେ ବୋଲି ଆଲୋଚନା ଚାଲିଥିବା ବେଳେ ତଦନ୍ତ ପରେ ଯାହା କିଛି କହିହେବ ବୋଲି ଏସ୍ଆଇ ରବୀନ୍ଦ୍ର ହେମ୍ବ୍ରମ କହିଛନ୍ତି । ପବିତ୍ର ବୃତ୍ତିରେ ଜଣେ କୃଷକ ଥିଲେ ଏବଂ ତାଙ୍କର ଗୋଟିଏ ଝିଅ ଓ ଦୁଇଟି ପୁଅ ଅଛନ୍ତି । କୌଣସି ବ୍ୟକ୍ତି ସହିତ ତାଙ୍କର ଶତ୍ରୁତା ନ ଥିବା ପରିବାର ଲୋକ ପ୍ରକାଶ କରିଛନ୍ତି । ଏହି ଘଟଣା ଟିକାବାଲି ଅଞ୍ଚଳରେ ଏକ ପ୍ରକାରେ ଚାଞ୍ଚଲ୍ୟ ସୃଷ୍ଟି କରିବା ସହ ଲୋକଙ୍କ ମନରେ ଭୟ ସୃଷ୍ଠି କରିଦେଇଛି ।
