ମେଘନାଦ ପାଚେରୀ ସୁରକ୍ଷା ନେଇ ଉଠିଲା ପ୍ରଶ୍ନ
Rasmita Behera
5795
ପୁରୀ: ଶ୍ରୀମନ୍ଦିର ମେଘନାଦ ପାଚେରୀରେ କରାଯାଇଛି ଏକ ଗର୍ତ୍ତ । କାହା ଅନୁମତିରେ ଏହି ଗର୍ତ୍ତ କରାଗଲା ସେଥିନେଇ ପ୍ରଶ୍ନ ଉଠିଛି । ଶ୍ରୀମନ୍ଦିର ସୁରକ୍ଷା ନାମରେ ନଷ୍ଟ ହେଉଛି ପ୍ରାଚୀନ କୀର୍ତ୍ତିରାଜି । ଶ୍ରୀମନ୍ଦିର ସୁରକ୍ଷା ନାମରେ ଏଏସ୍ଆଇ ଗୋଟିଏ ପରେ ଗୋଟିଏ ଐତିହ୍ୟ ନଷ୍ଟ କରିଚାଲିଛି । ପୁରୀ ଶ୍ରୀମନ୍ଦିର ଦକ୍ଷିଣ ଦ୍ୱାର ନିକଟ ମେଘନାଦ ପାଚେରୀରେ ଥିବା ଏକ ଐତିହାସିକ କୀର୍ତ୍ତିରାଜିକୁ ଭଙ୍ଗାଯାଇଥିବା ଦେଖିବାକୁ ମିଳିଛି । ପାଚେରୀରେ ଥିବା ମଗର ମୁଣ୍ଡକୁ ଭଙ୍ଗାଯାଇଥିବା ବେଳେ ସେଠାରେ ଏକ ବଡ଼ ପାଇପ୍ ସଂଯୋଗ କରାଯାଇଥିବା ପରିଲକ୍ଷିତ ହୋଇଛି । ସଂପୃକ୍ତ ପାଇପ୍ ଦେଇ ମନ୍ଦିର ଭିତରର ବର୍ଜ୍ୟ ଜଳ ନିଷ୍କାସିତ ହେଉଛି । ଏଭଳି ଐତିହାସିକ କୀର୍ତ୍ତିରାଜିକୁ ଭାଙ୍ଗିରୁଜି ମନଇଚ୍ଛା କାର୍ଯ୍ୟ କରାଯାଉଥିବା କେତେଦୂର ଯଥାର୍ଥ ବୋଲି ଭକ୍ତ ସମାଜରେ ପ୍ରଶ୍ନ ଉଠିଛି ।
