ଯାତ୍ରୀ ବିଶ୍ରାମାଗାରର ପୁନରୁଦ୍ଧାର ଦାବି
Rasmita Behera
ଖଣ୍ଡପଡ଼ା: ଖଣ୍ଡପଡ଼ା ସହରର ୧ନଂ ୱାର୍ଡ ସ୍ଥିତ ଅସ୍ଥାୟୀ ବସଷ୍ଟାଣ୍ଡରେ ଦିର୍ଘ ବର୍ଷ ତଳେ ନିର୍ମାଣ ହୋଇଥିବା ଯାତ୍ରୀ ବିଶ୍ରାମାଗାରଟି ରକ୍ଷଣାବେକ୍ଷଣ ଅଭାବରୁ ଏବେ ପରିତ୍ୟକ୍ତ ଅବସ୍ଥାରେ ପଡିରହିଛି ।ଏହାର ପୁନରୁଦ୍ଧାର ଦିଗରେ ଏନଏସି କର୍ତ୍ତୃପକ୍ଷଙ୍କ ଦୃଷ୍ଟି ପଡୁଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି ।ଉକ୍ତ ସ୍ଥାନରୁ ଯାତ୍ରୀବାହି ବସ ଯୋଗେ ଜନସାଧାରଣ ସଦାସର୍ବଦା ଯାତାୟତ କରୁଥିବା ବେଳେ ପରିତ୍ୟକ୍ତ ଅବସ୍ଥାରେ ପଡି ରହିଥିବା ଯାତ୍ରୀ ବିଶ୍ରାମାଗାରଟି କୌଣସି କାର୍ଯ୍ୟରେ ଆସୁନଥିବା ଜଣାପଡିଛି । ଖରା ବର୍ଷା ଓ ଶୀତ ଋତୁରେ ଯାତ୍ରୀମାନେ ମୁଖ୍ୟ ରାସ୍ତା ପାର୍ଶ୍ୱରେ ଘଣ୍ଟା ଘଣ୍ଟା ଧରି ଅପେକ୍ଷା କରି ଯାତ୍ରୀବାହୀ ବସ୍ ଯୋଗେ ଯାତାୟତ କରୁଛନ୍ତି । ଦିର୍ଘ ବର୍ଷ ତଳେ ଲୁହା ଖୁଣ୍ଟ ସହାୟତାରେ ଆଜବେଷ୍ଟସ ଛପରରେ ଏହି ଯାତ୍ରୀ ବିଶ୍ରାମାଗାର ଟି ନିର୍ମାଣ କରାଯାଇଥିଲା । ସମୟାନୁକ୍ରମେ ରାସ୍ତା ଉଚ୍ଚା ହୋଇଯିବା ପରେ ସାମାନ୍ୟ ବର୍ଷା ହେଲେ ରାସ୍ତାର ପାଣି ଯାତ୍ରୀ ବିଶ୍ରାମାଗାର ମଧ୍ୟରେ ପ୍ରବେଶ କରୁଥିବା ଜଣାପଡିଛି । ଜନସାଧାରଣଙ୍କ ସେବାରେ ଲାଗୁ ନଥିବା ଏହି ଯାତ୍ରୀ ବିଶ୍ରାମାଗାରର ପୁନରୁଦ୍ଧାର ଦିଗରେ ଖଣ୍ଡପଡ଼ା ଏନଏସି କାର୍ଯ୍ୟନିର୍ବାହୀ ଅଧିକାରୀ, ଅଧ୍ୟକ୍ଷା ଓ ପ୍ରଶାସନ ଦୃଷ୍ଟି ଦେବାକୁ ସହରବାସୀ ଦାବି କରିଛନ୍ତି ।
