ଯୁବକଙ୍କୁ ଖଣ୍ଡାରେ ଆକ୍ରମଣ; ଅଭିଯୁକ୍ତ ଗିରଫ
Jitendra Sahu
5846
ଭୁବନେଶ୍ୱର, ୧୮ା୧୦ : ସନ୍ଧ୍ୟାରେ ଫରେଷ୍ଟ ପାର୍କକୁ ଅଭିଯୋଗକାରୀ ୱାର୍କ କରିବାକୁ ଯାଇଥିବା ବେଳେ ଜଣେ ଯୁବକଙ୍କ ସହ ହୋଇଥିଲା ବିଶୃଙ୍ଖଳା । ଏହି ରାଗରେ ପାର୍କ ଆଗରେ ଛପି ବସିଥିଲା ଅଭିଯୁକ୍ତ । ୱାର୍କ ସାରି ଫେରିବା ବେଳେ ଏକ ଖଣ୍ଡାରେ ଆକ୍ରମଣ କଲା ଅଭିଯୁକ୍ତ । ଏତିକି ବେଳେ ଅଭିଯୋଗକାରୀଙ୍କ ଜୀବନ ବଞ୍ଚିଯାଇଥିଲେ ମଧ୍ୟ ତାଙ୍କ ହାତରେ ଗଭୀର ଆଘାତ ଲାଗିଥିଲା । ଏହି ସମୟରେ ଅଭିଯୁକ୍ତକୁ ପାର୍କକୁ ଆସିଥିବା ଅନ୍ୟ ଲୋକେ ଗୋଡାଇ କାବୁ କରିବା ସହ କ୍ୟାପିଟାଲ ଥାନାରେ ଜିମା ଦେଇଥିଲେ । ଏନେଇ ପୁଲିସ ମାମଲା ରୁଜୁକରି ତଦନ୍ତ ଚଳାଇ ଅଭିଯୁକ୍ତକୁ ଗିରଫ କରି ଆଜି କୋର୍ଟ ଚାଲାଣ କରିଛି । ଗିରଫ ଅଭିଯୁକ୍ତ ହେଲା, ରାଧାକୃଷ୍ଠ ବସ୍ତିର ସୁରେଶ ନାୟକ । ତାଠାରୁ ଏକ ଖଣ୍ଡା ଜବତ କରାଯାଇଛି ।
ସୂଚନା ଯୋଗ୍ୟଯେ, ଗତ ୧୫ ତାରିଖ ସନ୍ଧ୍ୟା ସମୟରେ ଅଭିଯୋଗକାରୀ ସ୍ୱସ୍ତିକ୍ ପ୍ରତାପ ସିଂଦେଓ ନିଜ ପତ୍ନୀଙ୍କ ସହିତ ଫରେଷ୍ଟ ପାର୍କକୁ ଯାଇଥିଲେ । ସେହି ସମୟରେ ଅଭିଯୁକ୍ତ ଟିକିନା ନିଶାସକ୍ତ ଅବସ୍ଥାରେ ପାର୍କ ସମ୍ମୁଖରେ ବିଶୃଙ୍ଖଳା ସୃଷ୍ଟି କରୁଥିବା ବେଳେ, ଅଭିଯୋଗକାରୀଙ୍କ ସହିତ ସେଠାରେ ପାଟିତୁଣ୍ଡ ହୋଇଥିଲା । ଏହି ଘଟଣାରେ ଅଭିଯୁକ୍ତ ଜଣକ ଅଭିଯୋଗକାରୀଙ୍କ ଉପରେ ରାଗ ରଖି ପ୍ରତିଶୋଧ ନେବା ଉଦ୍ଦେଶ୍ୟରେ ପାର୍କ ସମ୍ମୁଖ ଗେଟ ନିକଟରେ ଜଗି ରହିଥିଲା । ଏହି ସମୟରେ ପାର୍କରୁ ବୁଲାବୁଲି ସାରି ଫେରିବା ବେଳେ, ଗେଟ ନିକଟରେ ଜଗି ରହିଥିବା ଅଭିଯୁକ୍ତ ଜଣକ ହଠାତ ତାଙ୍କୁ ଏକ ଧାରୁଆ ଖଣ୍ଡାରେ ମରଣାନ୍ତକ ଆକ୍ରମଣ କରିଥିଲା । ହେଲେ ଅଭିଯୋଗକାରୀ ଏହି ମରଣାନ୍ତକ ଆକ୍ରମଣରୁ ନିଜକୁ ବଞ୍ଚାଇ ନେଇଥିଲେ ମଧ୍ୟ ତାଙ୍କ ହାତରେ ଗଭୀର କ୍ଷତ ସୃଷ୍ଟି ହୋଇଥିଲା । ନିକଟରେ ଉପସ୍ଥିତ ଥିବା କିଛି ସ୍ଥାନୀୟ ଲୋକ ଅଭିଯୁକ୍ତଙ୍କୁ କାବୁ କରିନେଇ ଥିଲେ ମଧ୍ୟ ସେ କୌଣସି କ୍ରମେ ସେଠାରୁ ଖସି ପଳାଇ ଯାଇଥିଲେ । ଫଳରେ ଏନେଇ ଅଭିଯୋଗକାରୀ କ୍ୟାପିଟାଲ ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ଆଜି ଅଭିଯୁକ୍ତକୁ ୟୁନିଟ୍-୬ ଖେଳ ପଡ଼ିଆରୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।
