ଷୋଳମପୁର ବୌଦ୍ଧବିହାର ବିକାଶ ପାଇଁ କେନ୍ଦ୍ର ପର୍ଯ୍ୟଟନ ମନ୍ତ୍ରୀଙ୍କୁ ଦାବିପତ୍ର ପ୍ରଦାନ କଲେ ସାଂସଦ 

 ଭଣ୍ଡାରିପୋଖରୀ : ରାଜ୍ୟର ଅନ୍ୟତମ ପ୍ରମୁଖ ବୌଦ୍ଧପୀଠ ଭଣ୍ଡାରିପୋଖରୀ ବ୍ଲକର ‘ଷୋଳମପୁର ବୌଦ୍ଧବିହାର’ ବିକାଶ ପାଇଁ ଭଦ୍ରକ ସାଂସଦ ଅଭିମନୁ୍ୟ ସେଠୀ କେନ୍ଦ୍ର ପର୍ଯ୍ୟଟନ ମନ୍ତ୍ରୀ ଗଜେନ୍ଦ୍ର ସିଂ ଶେଖାୱାତଙ୍କୁ ଗତ ଗୁରୁବାର ଲିଖିତ ପ୍ରସ୍ତାବ ଦେଇଥିବା ଜଣାଯାଇଛି । ସାଂସଦ ଶ୍ରୀ ସେଠୀ କେନ୍ଦ୍ର ପର୍ଯ୍ୟଟନ ମନ୍ତ୍ରୀ ଶ୍ରୀ ଶେଖାୱାତଙ୍କୁ ସାକ୍ଷାତ କରି ଗତ ୨୬ ତାରିଖ ସାଂସଦଙ୍କ କାର୍ଯ୍ୟାଳୟ ପତ୍ର ସଂଖ୍ୟା ୮୨/ଏମପି/ବିଡିକେ/୨୫ ଯୋଗେ ପ୍ରସ୍ତାବ ପ୍ରଦାନ କରିଥିବା ଜଣାଯାଇଛି । 
ଏହି ବୌଦ୍ଧବିହାରରେ ଉପଲବ୍ଧ ପ୍ରାଚୀନ କିର୍ତ୍ତିର୍ରାଜି, ସାଂସ୍କୃତିକ ଐତୀହ, ଉନ୍ନତ ଭିତ୍ତିଭୂମି, ଆବିଷ୍କୃତ ବିପୁଳ ବୌଦ୍ଧମୂର୍ତ୍ତି, ପାତ୍ର, ସ୍ତୁପ, ଲୁକାୟୁତ କିର୍ତ୍ତିରାଜି, ପାରିପାଶ୍ୱର୍ିକ ପରିବେଶ, ମାଉଣ୍ଡ ଓ ଏହାର ପ୍ରବେଶ ଦ୍ୱାର ଏହାର ଗୁରୁତ୍ୱକୁ ସୂଚୀତ କରୁଥିôବାରୁ ବିଶ୍ୱ ବୌଦ୍ଧ ମାନଚିତ୍ରରେ ସ୍ଥାନୀତ ହୋଇଛି । ବହୁ ଜାତୀୟ ଓ ଆନ୍ତର୍ଜାତୀୟ ଗବେଷକ, ଦେଶବିଦେଶର ବହୁ ବୌଦ୍ଧ ସନ୍ୟାସୀ କ୍ରମାଗତ ଭାବେ ଏହି ବୌଦ୍ଧବିହାର ପରିଦର୍ଶନ କରିବାକୁ ଆସୁଛନ୍ତି । ମାତ୍ର ଏହି ବୌଦ୍ଧବିହାରର ଉପଯୁକ୍ତ ବିକାଶ ହୋଇ ପାରିନାହିଁ । ଏଥିପାଇଁ ସାଂସଦ ୧୦ ଦଫା ପ୍ରସ୍ତାବ କେନ୍ଦ୍ରମନ୍ତ୍ରୀଙ୍କୁ ପ୍ରଦାନ କରିଛନ୍ତି । ଏହି ବୌଦ୍ଧବିହାରକୁ ପର୍ଯ୍ୟଟନସ୍ଥଳୀର ମାନ୍ୟତା ପ୍ରଦାନ କରିବା; ରାଷ୍ଟ୍ରୀୟ ପର୍ଯ୍ୟଟନ ମାନଚିତ୍ରରେ ଏହାକୁ ସ୍ଥାନ ଦେଇ ଉପଯୁକ୍ତ ଭାବେ ଚିତ୍ରିତ କରିବା; ଏଠାରେ ମୁ୍ୟଜିଅମ ଶାଖା ନିର୍ମାଣ କରାଯିବା; ଗବେଷଣା ଗୃହ ନିର୍ମାଣ କରାଯିବା; ଉପଯୁକ୍ତ ରାସ୍ତା ନିର୍ମାଣ ସହ ପରିବହନ ବ୍ୟବସ୍ଥା କରାଯିବା, ଅତିଥି ଗୃହ ନିର୍ମାଣ, ସୁଦୃଶ୍ୟ ତୋରଣଯୁକ୍ତ ଫାଟକ ନିର୍ମାଣ, ରାଜପଥରେ ସୂଚନା ଫଳକ ସ୍ଥାପନ, ପର୍ଯ୍ୟଟକମାନଙ୍କ ରହଣି ଗୃହ ନିର୍ମାଣ ଭଳି ଭିତ୍ତିଭୂମି ନିର୍ମାଣ କରାଯିବା; କେନ୍ଦ୍ର ପ୍ରତ୍ନତତ୍ତ୍ୱ ବିଭାଗ ଦ୍ୱାରା ସୁରକ୍ଷା ଓ ସଂରକ୍ଷଣ ପଦକ୍ଷେପ ଗ୍ରହଣ କରାଯିବା; ଖନନ କରାଯାଇ ଆବିଷ୍କାର କରାଯିବା; ରତ୍ନଗିରି-ଉଦୟଗିରି-ଲଳିତଗିରି ସହ ଏହି ବୌଦ୍ଧବିହାରକୁ ସଂଯୁକ୍ତ କରାଯିବା ଆଦି ପ୍ରସ୍ତାବ ରଖିଛନ୍ତି । ରାଷ୍ଟ୍ରୀୟ ବୌଦ୍ଧ ପର୍ଯ୍ୟଟନ ସର୍କିଟରେ ଏହାର ସଂରକ୍ଷଣ, ପ୍ରେସôାହନ ଓ ପ୍ରମୁଖ ପର୍ଯ୍ୟଟନସ୍ଥଳ ମାନ୍ୟତା ପାଇଁ କେନ୍ଦ୍ର ମନ୍ତ୍ରୀ ଶ୍ରୀ ଶେଖାୱାତ ସାଂସଦଙ୍କୁ ଆଶ୍ୱାସନା ଦେଇଥିବା ଜଣାଯାଇଛି । ଏହି ଖବର ପ୍ରସାରିତ ହେବା ପରେ ସ୍ଥାନୀୟ ଅଞ୍ଚଳବାସୀଙ୍କ ପକ୍ଷରୁ ଏହାକୁ ସ୍ୱାଗତ କରାଯାଇଛି ।