ସରପଞ୍ଚଙ୍କ ବିୟୋଗରେ ସ୍ମୃତିଚାରଣ ସଭା
Rasmita Behera
4822
ନାଉଗାଁ : ନାଉଗାଁ ତଥା ବାଂଶ ପଞ୍ଚାୟତର ପୂର୍ବତନ ସରପଞ୍ଚ ସ୍ୱର୍ଗତଃ ସଚ୍ଚିଦାନନ୍ଦ ପରିଡ଼ାଙ୍କ ବିୟୋଗରେ ନାଉଗାଁ ସାଂସ୍କୃତିକ ପରିଷଦ ପକ୍ଷରୁ ସ୍ମୃତିଚାରଣ ସଭା ଅନୁଷ୍ଠିତ ହୋଇଯାଇଛି । ସାଂସ୍କୃତିକ ପରିଷଦର ସମ୍ପାଦକ ସରୋଜ କୁମାର ନାୟକଙ୍କ ଅଧ୍ୟକ୍ଷତାରେ ଆୟୋଜିତ ଏହି ସଭାରେ ପରିଷଦର ମୁଖ୍ୟ ଉପଦେଷ୍ଟା ତଥା ପୂର୍ବତନ ବିଧାୟକ ଜ୍ୟୋତିଷ ଚନ୍ଦ୍ର ଦାସ, ଉପଦେଷ୍ଟା ତଥା ଜିଲ୍ଲା ବିଜେପି ସଭାପତି ପ୍ରତାପ ମିଶ୍ର, ନିରଞ୍ଜନ ବେହୁରା, ପୂର୍ବତନ ବ୍ଳକ ଅଧ୍ୟକ୍ଷ ଜଗନ୍ନାଥ ଦାସ, ପରିଷଦର ସଭ୍ୟ ଶିକ୍ଷକ ଗୁରୁ ଚରଣ ବିଶ୍ୱାଳ, ବୈଷ୍ଣବ ଚରଣ ଦାସ, ଗୋପାଳ ଚନ୍ଦ୍ର ମହାପାତ୍ର, ପ୍ରିୟଦର୍ଶିନୀ ପରିଡା, ରବିନ୍ଦ୍ର ପଟ୍ଟନାୟକ, ପ୍ରସନଜିତ ସାହୁ, ସାଂସ୍କୃତିକ ସମ୍ପାଦକ ସୁକାନ୍ତ କୁମାର ଲେଙ୍କା, ଶିକ୍ଷକ ତ୍ରିଲୋଚନ ପାଢ଼ୀ, ଲିପୁ ଦାସ, ବିଜୟ ବାରିକି, ତପନ କୁମାର ବେହେରା ପ୍ରମୁଖ ଉପସ୍ଥିତ ରହି ସ୍ମୃତିଚାରଣ କରିବା ସହିତ ଶ୍ରୀ ପରିଡାଙ୍କ ଆମର ଆତ୍ମାର ସଦଗତି କାମନା କରିଥିଲେ ।
