ସାମ୍ବାଦିକ ନାରାୟଣ ସାହାଣୀଙ୍କ ଦେହାନ୍ତ

କେନ୍ଦ୍ରାପଡା : ଇଟିଭିର ସାମ୍ବାଦିକ ନାରାୟଣ ଚନ୍ଦ୍ର ସାହାଣୀ ୬୪ ବର୍ଷ ବୟସରେ ଆଜି ହୃଦଘାତରେ ଦେହାନ୍ତ ହୋଇଯାଇଛି  । ଆଜି ସ୍ୱର୍ଗତ ସାହାଣୀଙ୍କର ହାତଗଢା ସାମ୍ବାଦିକ ଜିଲ୍ଲାର କୋଣ ଅନୁକୋଣରେ ସାମ୍ବାଦିକତା କରି ପ୍ରତିଷ୍ଠା ଅର୍ଜନ କରିଛନ୍ତି । ସ୍ୱର୍ଗତ ସାହାଣୀ ୨୦୨୨ ମସିହାରେ ଘଟିଥିବା ରାସ୍ତା ଦୁର୍ଘଟଣାରେ ଆହାତ ହୋଇ ପକ୍ଷାଘାତ ଅବସ୍ଥାରେ ପାଟକୁରାରେ ଥିବା ତାଙ୍କ ସହଧର୍ମିଣୀଙ୍କ ବାସଭବନରେ ରହୁଥିଲେ । ଗତ ୨୭ ତାରିଖରେ ତାଙ୍କ ଦେହ ଗୁରୁତ୍ୱର ଅସୁସ୍ଥ ହୋଇଯିବାରୁ ତାଙ୍କ ଭୁବନେଶ୍ୱରର ସମ ହସ୍ପିଟାଲରେ ଚିକିସôିତ କରାଯାଇଥିଲା । ଆଜି  ଅପରାହ୍ନ ପ୍ରାୟ ୩ ଟା ସମୟରେ ହଠାତ ହୃଦଘାତ ହେବାରୁ ସେ ଶେଷ ନିଶ୍ୱାସ ତ୍ୟାଗ କରିଥିଲେ  । ସ୍ୱର୍ଗତ ସାହାଣୀଙ୍କ ମୃତୁ୍ୟଶଯ୍ୟା ନିକଟରେ ତାଙ୍କର ସହଧର୍ମିଣୀ  ତଥା ପାଟକୁରା ହାଇସ୍କୁଲର ବରିଷ୍ଠ ଶିକ୍ଷୟତ୍ରୀ ରିନାବାଳା ମହାନ୍ତି ଓ ଦୁଇଟି ଝିଅ ମଧ୍ୟରୁ ବଡ ଝିଅ ଡାକ୍ତର ଐଶଯ୍ୟା ପ୍ରଜ୍ଞା ଲିସ୍ପା ସାହାଣୀ ଉପସ୍ଥିତ ଥିଲେ । ସ୍ୱର୍ଗତ ସାହାଣୀ ପ୍ରଥମେ ଦୈନିକ ଖବରକାଗଜ ପଜାତନ୍ତ୍ରରୁ ତାଙ୍କର ସାମ୍ବାଦିକତା ଜୀବନ ଆରମ୍ଭ କରିଥିଲେ । ପରେ ଜିଲ୍ଲାର ପ୍ରଥମ ବୈଦୁତିକ ଗଣମାଧ୍ୟମ  ଇଟିଭିର ପ୍ରତିନିଧି ରୂପେ ଦୀର୍ଘ ବର୍ଷ ଧରି କାର୍ଯ୍ୟକରିଥିଲେ  । ପରବର୍ତ୍ତି ଅବସ୍ଥାରେ ଇଟିଭି ନିୟୁଜ ଓଡିଆ, ନିୟୁଜ୧୮ଓଡିଆ ଓ ଓଡିଶା ଲାଇଭ୍ରେ ସାମ୍ବାଦିକତା କାର୍ଯ୍ୟକରି ଜିଲ୍ଲାରେ ବେଶ ସୁନାମ ଅର୍ଜନ କରିଥିଲେ । ସାହାଣୀଙ୍କ ଶେଷ ଦର୍ଶନ ପାଇଁ ବହୁ ସାମ୍ବାଦିକ ଓ ସମାଜସେବୀ ତାଙ୍କ ବାସଭବନରେ ପହଞ୍ଚôଥିଲେ । ତାଙ୍କ ପ୍ରାର୍ଥିବ ଶରୀରକୁ ନିଜ ଗାଁ କେନ୍ଦ୍ରାପଡା ବ୍ଲକ ଅନ୍ତର୍ଗତ କଚିରିପଡାରେ ଥିବା ପୈତୃକ ବାସଭବନକୁ ଶୋଭାଯାତ୍ରରେ ନିଆଯାଇଥିଲା । ଆସନ୍ତା କାଲି ଆନ୍ଧ୍ରପଦେଶର ଗୁଣ୍ଟର ମେଡିକାଲ କଲେଜର ଶେଷ ବର୍ଷ ଛାତ୍ରୀ ଥିବା ତାଙ୍କ ସାନ ଝିଅ ପ୍ରିତଲିସ୍ପ୍ା ସାହାଣୀ ପହଞ୍ଚିବା ପରେ ତାଙ୍କର ଗାଁ ସ୍ମଶାନରେ ଶେଷ କୃତ୍ୟ କରାଯିବ ବୋଲି ପରିବାର ଲୋକ ସୂଚନା ପ୍ରଦାନ କରିଛନ୍ତି  ।
ନାରାୟଣ ସାହାଣୀଙ୍କ ବିୟୋଗରେ ପୂର୍ବତନ ମନ୍ତ୍ରୀ ଅତନୁ ସବ୍ୟସାଚୀ ନାୟକ, ପାଟକୁରା ବିଧାୟକ ଅରବିନ୍ଦ ମହାପାତ୍ର, କଂଗ୍ରେସ ନେତା ରତିକାନ୍ତ କାନୁନଗୋ, ବ୍ଲକ ଅଧ୍ୟକ୍ଷ ଅଭୟ ମହାରାଜ, ସମବାୟବିତ ପ୍ରମୋଦ ସାହୁ, ବିଜେପି ନେତା ତେଜେଶ୍ୱର ପରିଡା, ବିଜୟ କୁମାର ନାୟକ, ଚିତ୍ତରଂଜନ ଚୌଧୁରୀ, ଶ୍ରୀକାନ୍ତ ସେନାପତି, ଅମିୟ ଜେନା, ବାପି ମାହାନ୍ତି ସମିତିସଭ୍ୟ ରାକେଶ ମହାପାତ୍ର, ଅହଲ୍ୟା ଲେଙ୍କା ଜିଲ୍ଲାପରିଷଦ ଏଲିଜା ସ୍ୱାଇଁ, ଡଲିଶତପଥୀ ପ୍ରମୁଖ ଶୋକ ପ୍ରକାଶ କରିଛନ୍ତି ।