ଅର୍ଥ ସାଜିଛି ବାଧକ
Rasmita Behera
ଏରସମା : ବିଜୁ ସ୍ୱାସ୍ଥ କାର୍ଡର ସମସ୍ତ ପଇସା ଖର୍ଚ୍ଚ ସରିଛି । କର୍କଟ ରୋଗରେ ପୀଡିତ ଚିକିସôାରେ ଅର୍ଥ ସାଜିଛି ବାଧକ । ଏମିତି ଅବସ୍ଥା ଦେଖିବାକୁ ମିଳିଛି ଏରସମା ବ୍ଲକ ଅନ୍ତର୍ଗତ ପୋଖରୀଆପଡା ଗ୍ରାମ ପଞ୍ଚାୟତ ଶ୍ରୀ ଚନ୍ଦନପୁର ଗ୍ରାମର ରତ୍ନାକର ଦାସ । ଗତବର୍ଷ ପେଟ ବିନ୍ଧୁ ଥିବାରୁ କଟକ ବଡ ଡାକ୍ତରଖାନାରେ ଚିକିସôିତ ହେଉଥିଲେ ଦୁଃଖର କଥା ବାୟୋସ୍ପି ପରେ କ୍ୟାନସର ଜଣା ପଡିଥିଲା । ଡାକ୍ତରଙ୍କ ପରାମର୍ଶ ଅନୁଯାୟୀ ଅପରେସନ କରାଯାଇଥିବା ବେଳେ ବିଜୁ ସ୍ୱାସ୍ଥ କାର୍ଡର ସମସ୍ତ ପଇସା ଖର୍ଚ୍ଚ ସରିଛି । ବର୍ତ୍ତମାନ ଅର୍ଥର ଅଭାବ ଯୋଗୁ ମେଡିକାଲ ଟ୍ରିଟମେଣ୍ଟ ପାଇଁ ଅର୍ଥ ସାଜିଛି ବାଧକ । ପରିବାର କହିଲେ ତାଙ୍କର ପନôୀଙ୍କ ସହିତ ଗୋଟିଏ ପୁତ୍ର । ପୁଅ ଅଷ୍ଟମ ଶ୍ରେଣୀରେ ପାଠ ପଢୁଥିବା ବେଳେ ପାଠ ପଢିବା ପାଇଁ ଅର୍ଥର ଘୋର ଅଭାବ । ରତ୍ନାକର ପର ଘରେ ମଜୁରୀ ଲାଗି ତାଙ୍କର ପରିବାର ପ୍ରତିପୋଷଣ କରିଥାନ୍ତି । ଜମି ବିକିବା ପାଇଁ ଚାହୁଁଥିଲେ ମଧ୍ୟ ତାଙ୍କର ଭାଇମାନେ ସେମାନଙ୍କ ପିଲାଧରି କଟକରେ ରହୁଥିବାରୁ ଜମି ବିକ୍ରି ହୋଇ ପାରୁନାହିଁ । ଚାଳଘର ଥିଲେ ମଧ୍ୟ ପ୍ରଧାନମନ୍ତ୍ରୀ ଆବାସ ଯୋଜନାରୁ ବଞ୍ଚିତ ଅଛନ୍ତି । ଅର୍ଥ ପାଇଁ ଗଣମାଧ୍ୟମ ଜରିଆରେ ଆକୁଳ ନିବେଦନ କରିଥିବା ବେଳେ ସରକାର ତୁରନ୍ତ ସହାୟତା ଯୋଗାଇଦେବାକୁ ଦାବି ହୋଇଛି ।
